Hætta við að selja togara til Grænlands

Í desember tilkynnti HB Grandi að frystitogarinn Venus HF 519, sem smíðaður var á Spáni árið 1973, hafi verið seldur til grænlenska félagsins Northern Seafood ApS og var söluverðið 320 milljónir króna sem greiðast skyldi á næstu árum.

Nú hefur verið undirritað samkomulag um að kaupin gangi til baka vegna vanefnda kaupanda.

Það var mat stjórnenda HB Granda að farsælast væri að taka við skipinu og leita nýs kaupanda. Samhliða móttöku skipsins er matsverð þess fært niður um 85 milljónir króna í bókum félagsins.