Guardiola: Heppinn að fá að þjálfa þessa leikmenn

Þjálfari Bayern, Pep Guardiola, var að vonum í skýjunum með sitt lið eftir sigurinn ótrúlega gegn Porto í kvöld.

Bayern tapaði óvænt, 3-1, í Portúgal en svaraði fyrir sig í kvöld með fimm mörkum í fyrri hálfleik. Lokatölur 6-1 og Bayern komið í undanúrslit.

„Þetta var virkilega gott hjá okkur. Við spiluðum vel í fyrri hálfleik en ekki eins góðir í seinni," sagði fullkomnunarsinninn Guardiola.

„Ég þakka leikmönnum fyrir að hafa svarað á þennan frábæra hátt eftir fyrri leikinn. Ég er heppinn að fá að þjálfa þessa frábæru leikmenn."

Þetta er sjötta ár Guardiola í þjálfun og lið hans hafa alltaf komist í undanúrslit í Meistaradeildinni.

Hér að ofan má sjá lokamark leiksins sem var glæsilegt aukaspyrnumark hjá Xabi Alonso.