Bein útsending: Fundur vegna vaxtaákvörðunar Seðlabankans

Peningastefnunefnd Seðlabanka Íslands tilkynnti í morgun að hún hygðist halda vöxtum bankans óbreyttum. Stýrivextir, sem eru vextir á sjö daga bundnum innlánum, verða því áfram 4,5%.

Bein útsending af fundi Seðlabankans vegna vaxtaákvörðunar hófst klukkan 10 og má sjá í spilaranum hér að neðan.



Sjá einnig: Stýrivextir Seðlabankans óbreyttir



Í yfirlýsingu Peningastefnunefndar kom fram að slakinn í hagkerfinu væri að hverfa, kröfur væru uppi um miklar launahækkanir og því myndi framleiðsluspenna myndast á þessu ári og ná hámarki á því næsta. Þá vænti bankinn þess að verðbólga færi yfir verðbólgumarkmið á næsta ári. Vegna alls þessa væru líkur á að Seðlabankinn myndi hækka stýrivexti á næsta vaxtaákvarðanafundi í júní.



Ef þú átt í vandræðum með að horfa á útsendinguna eru leiðbeiningar á heimasíðu Seðlabankans hvernig laga megi þann vanda.