Myndband: Nýr togari HB Granda kynntur til leiks

Venus, nýtt fjölveiðiskip HB Granda, lagði í nótt af stað frá Tyrklandi þar sem það var í smíðum. Skipið mun gera út frá Vopnafirði en áætlað er að skipið komi til landsins um hvítasunnuhelgina, 23.-25. maí.

Venus kostaði um 3,5 milljarða króna en það er 81 metri að lengd og 17 metrar að breidd. Þá er skipið með 4.500 kílóvatta vél og 1.000 kílóvatta hliðarskrúfum. Stefnt er að því að halda upp á komu skipsins á Vopnafirði við heimkomuna en í kjölfarið fer það á kolmunnaveiðar.

Sjá einnig: HB Grandi kaupir fimm ný skip fyrir 14 milljarða

Ingimundur Ingimundarson, útgerðarstjóri uppsjávarskipa hjá HB Granda, segir skipið vera það fyrsta af mörgum sem fyrirtækið hyggst láta smíða. Í september er von á öðru sambærilegu skipi og nú er á leiðinni til landsins. Þá stefnir HB Grandi einnig á að láta smíða þrjá ísfisktogara en von er á þeim fyrsta til landsins í september 2016. Samanlögð fjárfesting félagsins vegna skipakaupanna er áætluð 14 milljarðar króna.

Myndband af togaranum að halda úr höfn í Tyrklandi má sjá hér að neðan.

She is on the way to ICELAND

Posted by Çeliktrans on Wednesday, May 13, 2015