Í nútímamataræði skortir fólk oft trefjar og góðan bita í millimál Þessa getur þú tekið með þér í vinnuna og sent börnin með sem nesti í skólann.

Fíkju- og döðluorkustöng

2 msk. kókosolía

1½ bolli hafrar

1 bolli og 3 msk. pistasíur

¼ vanillubaunaduft (getur notað tsk. af vanilludropum)

1 bolli þurrkaðar fíkjur, saxaðar

1 bolli þurrkaðar sveskjur

½ tsk. appelsínubörkur

1 msk. appelsínusafi

1 tsk. sjávarsalt

dass af kanil (má sleppa)

Hitaðu ofninn í 200 gráður.

Taktu bökunarplötu og klæddu með smjörpappír.

Hitaðu kókosolíuna í pönnu á miðlungshita, bættu höfrunum við og hrærðu þar til verður gullinbrúnt.

Skelltu þessu á disk og í frysti til að kæla.

Malaðu 3 msk. pistasíur í matvinnsluvél þar til verður að fínu dufti og geymdu, þú notar þetta í lokin.

Skelltu vanilluduftinu, fíkjunum, sveskjunum, saltinu, hálfum bolla af pistasíum, appelsínuberki og safa og 2 msk. af vatni út í og blandaðu vel saman.

Skelltu þessu í stóra skál og taktu hafrablönduna úr frysti og skelltu út í.

Grófsaxaðu hálfan bolla af pistasíuhnetum og settu út í blönduna og blandaðu saman.

Bleyttu hendurnar og hnoðaðu þetta og sléttu úr á bökunarplötunni.

Sáldraðu fínsöxuðu pistasíuhnetunum yfir og bakaðu í 25 mínútur.

Þessi uppskrift gefur af sér tólf orkustangir sem geymast í allt að tvær vikur í loftþéttum umbúðum.