Leyfið börnunum að koma til mín Frosti Logason skrifar 26. febrúar 2015 07:00 Nú fyrr í vikunni greindi félagið Vantrú frá ákvörðun sinni um að allir landsmenn skyldu frá og með næstu mánaðamótum verða skráðir sjálfkrafa í félagið, nema að þeir bæðust sérstaklega undan því. Sama dag og tilkynningin var send út stigu fram á ritvöll samfélagsmiðlanna margar af skærustu þjóðfélagsperlum landsins og létu ljós sitt skína í kommentakerfum. Sómakæru fólki var misboðið. Hin kristna þjóð sýndi úr hverju hún er gerð og varðist fimlega með kærleika og samstöðu að vopni. Fólk sameinaðist um að finna hryðjuverkasamtökunum Vantrú allt til foráttu enda þótti aðgerð þeirra bæði svívirðileg og óforskömmuð. Að skrá grunlaust fólk í félagatal trúar- eða lífskoðunarfélags að því forspurðu er auðvitað fyrir neðan allar hellur. Stríðir gegn góðu siðferði og allsherjarreglu. Svo kom á daginn að þetta var allt saman ein stór ádeila. Vantrú sagði tilganginn með gríninu vera að gagnrýna núverandi fyrirkomulag á trúfélagsskráningum sem virkar í reynd þannig að mikill meirihluti allra nýfæddra barna er í dag og hefur alltaf verið skráður í ríkiskirkjuna án þess að börnin séu nokkurn tímann spurð hvort þau hafi minnsta áhuga á því. Var þetta allt þá bara lélegt grín eða fær þetta mögulega einhverja til þess að opna augun og átta sig á því að núverandi kerfi er algerlega galið rugl sem hefði aldrei átt að vera liðið á annað borð? Þeir sem trylltust og froðufelldu yfir því að félagið Vantrú ætlaði að skrá einhvern í félagið án þess að spyrja viðkomandi leyfis ættu að hafa það hugfast að einmitt með sama hætti er verið að brjóta á flestum börnum og foreldrum landsins á hverjum degi sem líður í núverandi kerfi. Meðlimir Vantrúar, sem öll reiðin beindist að, hafa flestallir þurft að skrá sig úr trúfélagi sem þeir höfðu aldrei skráð sig sjálfir í. Já, ímyndið ykkur það. Sú sjálfkrafa skráning nýbura sem nú er við lýði er einungis til vegna hagsmuna trúfélaga, og þá sérstaklega ríkiskirkjunnar, því ríkið greiðir trúfélögum árlega peningaupphæð fyrir hvern skráðan einstakling. Fjárhagslegir hagsmunir trúfélaga eru þannig settir ofar réttindum barna og foreldra. Kristilegt, ekki satt? Viltu birta grein á Vísi? Sendu okkur póst. Senda grein Frosti Logason Tengdar fréttir Allir Íslendingar verða skráðir í Vantrú Á síðasta stjórnarfundi ákvað stjórn Vantrúar að frá og með 1. mars verði allir Íslendingar skráðir í Vantrú en þetta kemur fram á vefsíðu Vantrúar. 23. febrúar 2015 11:01 Vantrú barst tilkynning um lögsókn vegna gríns „Reiknuðum ekki með því að eitthvað fólk myndi ekki halda að þetta væri grín“ 23. febrúar 2015 18:10 Mest lesið Opið bréf til hæstvirts innviðaráðherra, Eyjólfs Ármannssonar, um íslensku og ábyrgð Nichole Leigh Mosty Skoðun Embætti þitt geta allir séð Ragnheiður Davíðsdóttir Skoðun Hver er viðskiptalegur ávinningur af EES-samningnum? Sigurbjörn Svavarsson Skoðun Börnin á Gasa Ebba Margrét Magnúsdóttir Skoðun Styðjum þá sem bjarga okkur Jens Garðar Helgason Skoðun Hver á dómur að vera hjá ungmenni fyrir að fremja alvarlegt afbrot, jafnvel morð? Davíð Bergmann Skoðun Er kominn tími á Útlendingafrí? Marion Poilvez Skoðun Janus og jakkalakkarnir Óskar Guðmundsson Skoðun Immigrant Women: Essential Workers, Rising Voices on Labor Day Maru Alemán Skoðun Samtalið um dauðann veldur okkur óöryggi Ingrid Kuhlman Skoðun
Nú fyrr í vikunni greindi félagið Vantrú frá ákvörðun sinni um að allir landsmenn skyldu frá og með næstu mánaðamótum verða skráðir sjálfkrafa í félagið, nema að þeir bæðust sérstaklega undan því. Sama dag og tilkynningin var send út stigu fram á ritvöll samfélagsmiðlanna margar af skærustu þjóðfélagsperlum landsins og létu ljós sitt skína í kommentakerfum. Sómakæru fólki var misboðið. Hin kristna þjóð sýndi úr hverju hún er gerð og varðist fimlega með kærleika og samstöðu að vopni. Fólk sameinaðist um að finna hryðjuverkasamtökunum Vantrú allt til foráttu enda þótti aðgerð þeirra bæði svívirðileg og óforskömmuð. Að skrá grunlaust fólk í félagatal trúar- eða lífskoðunarfélags að því forspurðu er auðvitað fyrir neðan allar hellur. Stríðir gegn góðu siðferði og allsherjarreglu. Svo kom á daginn að þetta var allt saman ein stór ádeila. Vantrú sagði tilganginn með gríninu vera að gagnrýna núverandi fyrirkomulag á trúfélagsskráningum sem virkar í reynd þannig að mikill meirihluti allra nýfæddra barna er í dag og hefur alltaf verið skráður í ríkiskirkjuna án þess að börnin séu nokkurn tímann spurð hvort þau hafi minnsta áhuga á því. Var þetta allt þá bara lélegt grín eða fær þetta mögulega einhverja til þess að opna augun og átta sig á því að núverandi kerfi er algerlega galið rugl sem hefði aldrei átt að vera liðið á annað borð? Þeir sem trylltust og froðufelldu yfir því að félagið Vantrú ætlaði að skrá einhvern í félagið án þess að spyrja viðkomandi leyfis ættu að hafa það hugfast að einmitt með sama hætti er verið að brjóta á flestum börnum og foreldrum landsins á hverjum degi sem líður í núverandi kerfi. Meðlimir Vantrúar, sem öll reiðin beindist að, hafa flestallir þurft að skrá sig úr trúfélagi sem þeir höfðu aldrei skráð sig sjálfir í. Já, ímyndið ykkur það. Sú sjálfkrafa skráning nýbura sem nú er við lýði er einungis til vegna hagsmuna trúfélaga, og þá sérstaklega ríkiskirkjunnar, því ríkið greiðir trúfélögum árlega peningaupphæð fyrir hvern skráðan einstakling. Fjárhagslegir hagsmunir trúfélaga eru þannig settir ofar réttindum barna og foreldra. Kristilegt, ekki satt?
Allir Íslendingar verða skráðir í Vantrú Á síðasta stjórnarfundi ákvað stjórn Vantrúar að frá og með 1. mars verði allir Íslendingar skráðir í Vantrú en þetta kemur fram á vefsíðu Vantrúar. 23. febrúar 2015 11:01
Vantrú barst tilkynning um lögsókn vegna gríns „Reiknuðum ekki með því að eitthvað fólk myndi ekki halda að þetta væri grín“ 23. febrúar 2015 18:10
Opið bréf til hæstvirts innviðaráðherra, Eyjólfs Ármannssonar, um íslensku og ábyrgð Nichole Leigh Mosty Skoðun
Hver á dómur að vera hjá ungmenni fyrir að fremja alvarlegt afbrot, jafnvel morð? Davíð Bergmann Skoðun
Opið bréf til hæstvirts innviðaráðherra, Eyjólfs Ármannssonar, um íslensku og ábyrgð Nichole Leigh Mosty Skoðun
Hver á dómur að vera hjá ungmenni fyrir að fremja alvarlegt afbrot, jafnvel morð? Davíð Bergmann Skoðun