Ég er bara lítill strákur í hinum stóra heimi kvikmyndanna Magnús Guðmundsson skrifar 7. febrúar 2015 10:00 Gussi var staddur á fraktara í Eystrasaltinu að steikja pönnukökur, svona eins og maður gerir, þegar Dagur Kári hringdi í hann. „Þetta var nú frekar óvænt.“ vísir/stefán Gunnar Jónsson leikari hefur verið að leika í kvikmyndum og sjónvarpi frá því hann var í barnaskóla. En nú er fram undan frumsýning fyrstu myndarinnar þar sem Gunnar er í aðalhlutverki, kvikmyndarinnar Fúsi eða Virgin Mountain eftir Dag Kára. Myndin verður frumsýnd á Berlinale, alþjóðlegu kvikmyndahátíðinni í Berlín sem er ein sú virtasta sinnar tegundar í heiminum. Gunnar, eða Gussi eins og flestir þekkja hann, er þó ekkert að fara á hliðina yfir þessu enda rósemdarmaður. Hann er staddur í Hafnarfirði en ætlar reyndar að skreppa til Berlínar á sunnudaginn. „Ég er bara alveg slakur hérna í Hafnarfirðinum enda ekki bara Hafnfirðingur heldur Gaflari. Fæddur í Sólvangi og allt hvað eina, maður verður ekkert meiri Gaflari en það. Það að vera í leiklist og helst gamanleik er bara eitthvað sem hlýtur að vera í vatninu hérna hjá okkur. Við Gaflarar eigum bókstaflega landsliðið í gamanleik og við erum stolt af því.“Byrjaði með dramatískum Ladda „Ég er búinn að vera að leika lengi þannig að þetta er nú ekkert nýtt fyrir mér þó svo að þetta sé mitt fyrsta aðalhlutverk. Ég byrjaði árið 1982 í sjónvarpi og þá var ég enn þá bara strákpjakkur í barnaskóla. Það var í sjónvarpsmynd eftir Hrafn Gunnlaugsson sem hét Hver er og var sýnd 83 með Ladda í aðalhlutverki. Þessi mynd vakti talsverða athygli vegna þess að þarna var Laddi að leika sitt fyrsta dramatíska hlutverk. Þjóðin sat við skjáinn og hefur líklega vonast eftir því að þetta væri plat að Laddi fengi ekki að vera fyndinn en þegar það varð raunin þá var þetta nú ekkert að slá í gegn. Ég held að Laddi hafi nú að mestu látið dramatísku hlutverkin vera eftir þetta enda um að gera fyrir manninn að gera það sem hann gerir best. En þessi reynsla dugði til þess að kveikja í mér og eftir þetta fór ég að taka þátt í leiklistarstarfi í skólanum og svona. Það kom þó aldrei til þess að ég lærði leiklist. Ég reyndi við leiklistarskólann á sínum tíma, þá vel við aldur, en var snarlega hafnað.“Reynsluskóli hjá Krumma Þrátt fyrir að Gussi hafi aldrei farið í leiklistarnám þá hélt Hrafn Gunnlaugsson tryggð við hann sem leikara og það reyndist honum dýrmætur skóli sem sér reyndar ekki fyrir endann á. „Ég er búinn að vera að gaufa með Krumma alla tíð eftir að ég fékk þessa dellu. Er reyndar búinn að vera í öllum hans myndum nema þessari sænsku. En hver vill svo sem vera að leika í sænskri bíómynd. Eftir því sem ég kemst næst þá eru Hrafn og Ólafur Gunnarsson rithöfundur núna að vinna að handriti eftir Fóstbræðrasögu og ég geri að sjálfsögðu ráð fyrir því að mín áskrift sé í fullu gildi og ég fái mitt hlutverk eins og venjulega. Ég hef lært mikið af Krumma í gegnum tíðina og mér hefur alltaf þótt gott að vinna með honum. Sama hvert verkefnið þá vissi hann alltaf hvað hann vildi og það gera nú bara ekkert allir leikstjórar. Ef Krummi er norðurpóll þá er Kári suðurpóll. Þeir eru eins ólíkir einstaklingar og verið getur. Mér finnst samt líka gott að vinna með Degi Kára, það er bara öðruvísi vinna.“Á sunnudaginn fer Gussi til Berlínar til þess að vera viðstaddur frumsýningu Virgin Mountain eftir Dag Kára þar sem þessi viðkunnanlegi Gaflari er í aðalhlutverki í fyrsta sinn.vísir/STEFÁNJón þarf að hætta þessu rugli Gussi er hvað þekktastur fyrir hlutverk sín í hinum vinsælu sjónvarpsþáttum Fóstbræðrum þar sem hann skemmti þjóðinni vikulega í afar ólíkum hlutverkum. „Það er alveg klikkun að vinna í svona þáttum eins og Fóstbræðraþáttunum. Þetta eru alveg endalaust margir karakterar og stundum allt að þrír til fjórir á dag. Maður veit varla lengur hver maður er þegar maður kemur loksins heim til sín á kvöldin. En ferillinn fór nú soldið á flug þegar maður var í þessu og þetta var bráðskemmtilegt. Svo hef ég verið að leika aftur af og til með þessu fólki – Sigurjón er í nýju myndinni og svo lék ég með Steina í Steindanum en ég á alveg eftir að leika aftur með Jóni Gnarr. Hann þarf nú bara að hætta þessu helvítis rugli og fara aftur að gera eitthvað skemmtilegt.“Pönnukökur og kolsvartur húmor Sjómennskan hefur líka verið stór hluti af lífi Gussa og hann var einmitt á sjónum þegar Dagur Kári hafði samband við hann og sagðist vera með handrit sem væri eiginlega skrifað sérstaklega fyrir hann. „Ég var staddur á fraktara í Eystrasaltinu að steikja pönnukökur, svona eins og maður gerir, þegar hann hringdi í mig. Þetta var nú frekar óvænt. Ég hafði reyndar leikið hjá honum í einhverri stuttri Laxnessmynd átta árum áður og þá hafði hann eitthvað byrjað að pæla. Þetta er svona gaur þar sem hlutirnir eru að gerjast og svo kemur þetta einhverjum árum síðar þegar maður er sjálfur löngu búinn að gleyma öllu um þessar pælingar. Þannig að ég fór bara að lesa handrit á frívaktinni og fyrst leist mér nú ekki alveg á blikuna. Fannst þetta eitthvað óskaplega dramatískt og leiðinlegt og að það gerðist nú ósköp lítið í þessu. En svo fór ég að skoða þetta betur og þá alveg kolféll ég fyrir því. Fattaði þetta. Þetta er í rauninni gamanmynd en óneitanlega með alveg kolsvörtum húmor. Ég að minnsta kosti skellihlæ yfir svona húmor og er viss um að það eiga margir Íslendingar eftir að gera slíkt hið sama.“Mjúkar lendingar „Ég kom í land 2012 til þess að gera þessa mynd en svo dróst það nú eins og gengur og gerist í þessum bransa. Þetta var ekki tekið fyrr en 2013 og 2014 þannig að ég hef aldrei verið eins vel og vandlega undirbúinn. Svo þegar kom að tökunum þá var þetta auðvitað hörkuvinna með tólf tíma dögum og þá kom nú reynslan af sjónum sér vel. Að geta unnið langa daga og ekkert væl. Svo var líka alveg toppfólk í þessu sem var gaman að vinna með og það hefur rosalega mikið að segja. Þau hafa kannski frekar þurft að hafa áhyggjur af mér því það gengur stundum soldið á í kringum mig. Við tökur tókst mér að brjóta undan mér tvo stóla og eitt trébretti með þeim afleiðingum að ég steinlá. Það góða er hins vegar fyrir mann eins og mig að lendingarnar eru alltaf mjúkar.“Á rauða dreglinum Á sunnudaginn heldur Gussi til Berlínar til þess að vera viðstaddur frumsýninguna á Virgin Mountain á einni virtustu kvikmyndahátíð heims. Þar mun Gussi ganga eftir rauða dreglinum ásamt frægum kvikmyndastjörnum en hann er nú aðallega spenntur að sjá myndina. „Ég hef ekkert séð af myndinni enn þá. Hef verið að spara mér þetta því mig langar til þess að sjá myndina í heild sinni þegar þar að kemur. Ég hef samt engar áhyggjur af þessu, það er alfarið Dagur Kári sem þarf að vera í því að velta þessu fyrir sér og hann er góður í að spá og spekúlera. Svo er þessi danski tökumaður víst einhvers konar undrabarn þannig að þetta verður örugglega þrælflott hjá þeim, blessuðum. Maður sér það bara á plakatinu – allt svo einfalt og flott. Annars er ég bara lítill strákur í hinum stóra heimi sem er á leiðinni á rauða dregilinn. Ég veit að þetta verður dálítið skelfilegt en ætla nú bara að reyna að slappa af og njóta þess út í ystu æsar.“ Mest lesið „Þetta er enginn helvítis félagskvíði, það bara þolir mig enginn“ Áskorun Heiður Ósk og Davíð eru nýtt par Lífið Hvers vegna tölum við um bongóblíðu? Lífið Fréttatía vikunnar: Skúlptúrar, ráðherrarifrildi og EM Lífið Fékk skyndihugmynd og er nú í blómahafi heima fyrir Lífið Líður bókstaflega óstöðvandi í góðu fitti Tíska og hönnun Arnar Þór selur Arnarneshöllina Lífið Bubbi hrærður: Trúir því að Níu líf muni á endanum vakna að nýju Lífið Tengdasonur Íslands trúðaði Simon Cowell upp úr skónum Bíó og sjónvarp Tólf klukkustunda gjörningur í Hörpu í dag Lífið Fleiri fréttir Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði „Ég væri ekkert án þeirra“ Gekk í tvo tíma að flugvellinum til að komast hjá leigubílagjaldi Friðrik Ómar setur Reykhúsið aftur á sölu og lækkar verðið Linda lætur sér Lindarbraut lynda Áttaði sig á stöðunni á fundi með Höllu Ungt athafnapar keypti hönnunarhús Margrétar í Garðabæ Sjá meira
Gunnar Jónsson leikari hefur verið að leika í kvikmyndum og sjónvarpi frá því hann var í barnaskóla. En nú er fram undan frumsýning fyrstu myndarinnar þar sem Gunnar er í aðalhlutverki, kvikmyndarinnar Fúsi eða Virgin Mountain eftir Dag Kára. Myndin verður frumsýnd á Berlinale, alþjóðlegu kvikmyndahátíðinni í Berlín sem er ein sú virtasta sinnar tegundar í heiminum. Gunnar, eða Gussi eins og flestir þekkja hann, er þó ekkert að fara á hliðina yfir þessu enda rósemdarmaður. Hann er staddur í Hafnarfirði en ætlar reyndar að skreppa til Berlínar á sunnudaginn. „Ég er bara alveg slakur hérna í Hafnarfirðinum enda ekki bara Hafnfirðingur heldur Gaflari. Fæddur í Sólvangi og allt hvað eina, maður verður ekkert meiri Gaflari en það. Það að vera í leiklist og helst gamanleik er bara eitthvað sem hlýtur að vera í vatninu hérna hjá okkur. Við Gaflarar eigum bókstaflega landsliðið í gamanleik og við erum stolt af því.“Byrjaði með dramatískum Ladda „Ég er búinn að vera að leika lengi þannig að þetta er nú ekkert nýtt fyrir mér þó svo að þetta sé mitt fyrsta aðalhlutverk. Ég byrjaði árið 1982 í sjónvarpi og þá var ég enn þá bara strákpjakkur í barnaskóla. Það var í sjónvarpsmynd eftir Hrafn Gunnlaugsson sem hét Hver er og var sýnd 83 með Ladda í aðalhlutverki. Þessi mynd vakti talsverða athygli vegna þess að þarna var Laddi að leika sitt fyrsta dramatíska hlutverk. Þjóðin sat við skjáinn og hefur líklega vonast eftir því að þetta væri plat að Laddi fengi ekki að vera fyndinn en þegar það varð raunin þá var þetta nú ekkert að slá í gegn. Ég held að Laddi hafi nú að mestu látið dramatísku hlutverkin vera eftir þetta enda um að gera fyrir manninn að gera það sem hann gerir best. En þessi reynsla dugði til þess að kveikja í mér og eftir þetta fór ég að taka þátt í leiklistarstarfi í skólanum og svona. Það kom þó aldrei til þess að ég lærði leiklist. Ég reyndi við leiklistarskólann á sínum tíma, þá vel við aldur, en var snarlega hafnað.“Reynsluskóli hjá Krumma Þrátt fyrir að Gussi hafi aldrei farið í leiklistarnám þá hélt Hrafn Gunnlaugsson tryggð við hann sem leikara og það reyndist honum dýrmætur skóli sem sér reyndar ekki fyrir endann á. „Ég er búinn að vera að gaufa með Krumma alla tíð eftir að ég fékk þessa dellu. Er reyndar búinn að vera í öllum hans myndum nema þessari sænsku. En hver vill svo sem vera að leika í sænskri bíómynd. Eftir því sem ég kemst næst þá eru Hrafn og Ólafur Gunnarsson rithöfundur núna að vinna að handriti eftir Fóstbræðrasögu og ég geri að sjálfsögðu ráð fyrir því að mín áskrift sé í fullu gildi og ég fái mitt hlutverk eins og venjulega. Ég hef lært mikið af Krumma í gegnum tíðina og mér hefur alltaf þótt gott að vinna með honum. Sama hvert verkefnið þá vissi hann alltaf hvað hann vildi og það gera nú bara ekkert allir leikstjórar. Ef Krummi er norðurpóll þá er Kári suðurpóll. Þeir eru eins ólíkir einstaklingar og verið getur. Mér finnst samt líka gott að vinna með Degi Kára, það er bara öðruvísi vinna.“Á sunnudaginn fer Gussi til Berlínar til þess að vera viðstaddur frumsýningu Virgin Mountain eftir Dag Kára þar sem þessi viðkunnanlegi Gaflari er í aðalhlutverki í fyrsta sinn.vísir/STEFÁNJón þarf að hætta þessu rugli Gussi er hvað þekktastur fyrir hlutverk sín í hinum vinsælu sjónvarpsþáttum Fóstbræðrum þar sem hann skemmti þjóðinni vikulega í afar ólíkum hlutverkum. „Það er alveg klikkun að vinna í svona þáttum eins og Fóstbræðraþáttunum. Þetta eru alveg endalaust margir karakterar og stundum allt að þrír til fjórir á dag. Maður veit varla lengur hver maður er þegar maður kemur loksins heim til sín á kvöldin. En ferillinn fór nú soldið á flug þegar maður var í þessu og þetta var bráðskemmtilegt. Svo hef ég verið að leika aftur af og til með þessu fólki – Sigurjón er í nýju myndinni og svo lék ég með Steina í Steindanum en ég á alveg eftir að leika aftur með Jóni Gnarr. Hann þarf nú bara að hætta þessu helvítis rugli og fara aftur að gera eitthvað skemmtilegt.“Pönnukökur og kolsvartur húmor Sjómennskan hefur líka verið stór hluti af lífi Gussa og hann var einmitt á sjónum þegar Dagur Kári hafði samband við hann og sagðist vera með handrit sem væri eiginlega skrifað sérstaklega fyrir hann. „Ég var staddur á fraktara í Eystrasaltinu að steikja pönnukökur, svona eins og maður gerir, þegar hann hringdi í mig. Þetta var nú frekar óvænt. Ég hafði reyndar leikið hjá honum í einhverri stuttri Laxnessmynd átta árum áður og þá hafði hann eitthvað byrjað að pæla. Þetta er svona gaur þar sem hlutirnir eru að gerjast og svo kemur þetta einhverjum árum síðar þegar maður er sjálfur löngu búinn að gleyma öllu um þessar pælingar. Þannig að ég fór bara að lesa handrit á frívaktinni og fyrst leist mér nú ekki alveg á blikuna. Fannst þetta eitthvað óskaplega dramatískt og leiðinlegt og að það gerðist nú ósköp lítið í þessu. En svo fór ég að skoða þetta betur og þá alveg kolféll ég fyrir því. Fattaði þetta. Þetta er í rauninni gamanmynd en óneitanlega með alveg kolsvörtum húmor. Ég að minnsta kosti skellihlæ yfir svona húmor og er viss um að það eiga margir Íslendingar eftir að gera slíkt hið sama.“Mjúkar lendingar „Ég kom í land 2012 til þess að gera þessa mynd en svo dróst það nú eins og gengur og gerist í þessum bransa. Þetta var ekki tekið fyrr en 2013 og 2014 þannig að ég hef aldrei verið eins vel og vandlega undirbúinn. Svo þegar kom að tökunum þá var þetta auðvitað hörkuvinna með tólf tíma dögum og þá kom nú reynslan af sjónum sér vel. Að geta unnið langa daga og ekkert væl. Svo var líka alveg toppfólk í þessu sem var gaman að vinna með og það hefur rosalega mikið að segja. Þau hafa kannski frekar þurft að hafa áhyggjur af mér því það gengur stundum soldið á í kringum mig. Við tökur tókst mér að brjóta undan mér tvo stóla og eitt trébretti með þeim afleiðingum að ég steinlá. Það góða er hins vegar fyrir mann eins og mig að lendingarnar eru alltaf mjúkar.“Á rauða dreglinum Á sunnudaginn heldur Gussi til Berlínar til þess að vera viðstaddur frumsýninguna á Virgin Mountain á einni virtustu kvikmyndahátíð heims. Þar mun Gussi ganga eftir rauða dreglinum ásamt frægum kvikmyndastjörnum en hann er nú aðallega spenntur að sjá myndina. „Ég hef ekkert séð af myndinni enn þá. Hef verið að spara mér þetta því mig langar til þess að sjá myndina í heild sinni þegar þar að kemur. Ég hef samt engar áhyggjur af þessu, það er alfarið Dagur Kári sem þarf að vera í því að velta þessu fyrir sér og hann er góður í að spá og spekúlera. Svo er þessi danski tökumaður víst einhvers konar undrabarn þannig að þetta verður örugglega þrælflott hjá þeim, blessuðum. Maður sér það bara á plakatinu – allt svo einfalt og flott. Annars er ég bara lítill strákur í hinum stóra heimi sem er á leiðinni á rauða dregilinn. Ég veit að þetta verður dálítið skelfilegt en ætla nú bara að reyna að slappa af og njóta þess út í ystu æsar.“
Mest lesið „Þetta er enginn helvítis félagskvíði, það bara þolir mig enginn“ Áskorun Heiður Ósk og Davíð eru nýtt par Lífið Hvers vegna tölum við um bongóblíðu? Lífið Fréttatía vikunnar: Skúlptúrar, ráðherrarifrildi og EM Lífið Fékk skyndihugmynd og er nú í blómahafi heima fyrir Lífið Líður bókstaflega óstöðvandi í góðu fitti Tíska og hönnun Arnar Þór selur Arnarneshöllina Lífið Bubbi hrærður: Trúir því að Níu líf muni á endanum vakna að nýju Lífið Tengdasonur Íslands trúðaði Simon Cowell upp úr skónum Bíó og sjónvarp Tólf klukkustunda gjörningur í Hörpu í dag Lífið Fleiri fréttir Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði „Ég væri ekkert án þeirra“ Gekk í tvo tíma að flugvellinum til að komast hjá leigubílagjaldi Friðrik Ómar setur Reykhúsið aftur á sölu og lækkar verðið Linda lætur sér Lindarbraut lynda Áttaði sig á stöðunni á fundi með Höllu Ungt athafnapar keypti hönnunarhús Margrétar í Garðabæ Sjá meira