Heilsa

Sykurlausar chia-makkarónur með heimalagaðri jarðarberja-chia-sultu

Gunnar Már Kamban skrifar
Makkarónukökur
Makkarónukökur visir/GMK

Ekki tekur langan tíma að skella í þessa dásemd og gott að eiga vel umfram af sultunni í kælinum.

Chia-makkarónur með jarðarberjasultu – 10 stk.

Kökur

150 g kókosflögur t.d. frá Himneskri hollustu

100 g möndlumjöl

4 msk. erythritol frá Now

3 msk. kókosolía t.d. frá Himneskri hollustu eða Cocofina

1 tsk. vanilludropar t.d. frá Now

salt á hnífsoddi

Stilltu ofninn í 180°C. Settu kókosflögurnar í blandara í 10 sekúndur eða þar til þær verða aðeins fínni. Settu þær síðan í skál með möndlumjölinu og saltinu.

Bræddu kókosolíuna í örbylgjunni og bættu henni saman við kókosflögurnar og settu síðan restina af hráefnunum saman við.

Notaðu skeið og settu um 1 msk. á smurða bökunarplötu fyrir hverja makkarónu. Notaðu puttann og gerðu smá dæld í miðju hverrar köku. Settu sultu í dældina og bakaðu í um 30 mínútur eða þar til þær hafa fengið á sig fallegan gylltan lit.

Sulta

200 g frosin jarðarber

4 msk. erythritol

2 msk. chia-fræ

1 tsk. vanilludropar frá Now

Settu öll hráefnin í pott. Stilltu á vægan hita og eldaðu í um 10 mínútur eða þar til berin eru orðin maukuð og chia-fræin farin að þykkja blönduna. Settu blönduna í blandara í 10 sekúndur eða þar til hún verður slétt.

Frekari upplýsingar um sykurlausan lífstíl og námskeið má finna á heimasíðu Hættu að borða sykur.


Tengdar fréttir

Sykurlaust avókadó- og kókosnammi

Ég tileinkaði avókadó heilan kafla í Hætttu að borða sykur bókinni og þessi unaðslegi ávöxtur er bara það frábær að ég ætla að gefa ykkur enn frekari hugmyndir að því hvernig hægt er að nota hann í matargerð.






Fleiri fréttir

Sjá meira


×