Ný leið í ráðningu starfsfólks

Tækniráðningar ehf., alþjóðlegt ráðningafyrirtæki sem sérhæfir sig í ráðningum tæknimenntaðs fólks, hefur opnað ráðningavefinn TalentLink.Me. Vefurinn nýtir upplýsingar vinsælla samfélagsvefja eins og LinkedIn og Facebook og forritarasamfélaga eins GitHub og Stack Overflow til að búa til markað með tæknimenntuðu fólki. Í tilkynningu frá fyrirtækinu segir að mikill skortur sé á vel menntuðu tæknifólki í heiminum um þessar mundir.

Tækniráðningar undirrituðu í byrjun þessa árs rammasamning til tveggja ára við alþjóðlegu bankasamstæðuna UniCredit Group en heildarverðmæti samningsins nemur allt að 100 milljónum króna. Fyrirtækið hefur einnig gert samning við og sinnt ráðningum fyrir Amazon.com í Austur-Evrópu.

„Tilgangurinn með stofnun TalentLink.Me er að gera ráðningarmarkað tæknifólks fullkomnari en jafnfræmt þægilegri fyrir báða aðila,“ segir Kristján Már Gunnarsson, framkvæmdastjóri Tækniráðninga.