Innspýting upp á 120 milljónir

iNýsköpunarsjóður atvinnulífsins (NSA) og Kaskur ehf., fjárfestingafélag í eigu Inga Guðjónssonar, hafa fjárfest í hugbúnaðarfyrirtækinu Kaptio fyrir um 120 milljónir króna.

Fram kemur í tilkynningu að hingað til hafi fyrirtækið verið fjármagnað af stofnendum og tekjum af ráðgjafarstörfum við innleiðingu á Salesforce CRM-hugbúnaði Kaptio.

Aðkoma fagfjárfesta er sögð liður í að byggja undir vöruþróun og vöxt í sölu á Kaptio Travel-lausninni, en fyrirtækið framleiðir sérsniðinn hugbúnað fyrir ferðaskrifstofur og ferðaskipuleggjendur.