Litlir bankar valda miklum vaxtamun

Ástæðu mikils vaxtamunar hér á Íslandi má rekja til þess að enginn íslenskra viðskiptabanka nær hagkvæmnisstærð sem hefur verið metinn 25 milljarðar dala, eða 3.250 milljarðar króna. Þetta segir í greiningu Capacent fjármálaráðgjafar á vaxtamun og þróun fjármálamarkaða.

Þar segir að nýjustu rannsóknir bendi raunar til þess að hagkvæmnisstærðin sé komin upp í 50- 100 milljarða dala, sem er um 6.500-13.000 milljarða króna og íslensku bankarnir því örsmáir í þeim samanburði.

Þá segir að sé rýnt í meðalverðbólgu hvers árs og vaxtamun innlendra viðskiptabanka á árunum 1997 til 2014 megi sjá að verðbólga sé ekki ráðandi þáttur þegar kemur að vaxtamun.