Bjarni Benediktsson bætir við sig

Bjarni Benediktsson hlaut stærsta kosningasigur sinn í sögunni á landsfundi Sjálfstæðisflokksins nú fyrir stundu, eða 96 prósent atkvæða. 

Árið 2009, þegar Bjarni var kjörinn fyrst, hafði hann betur gegn Kristján Þór Júlíussyni nú heilbrigðisráðherra, með 58 prósent greiddra atkvæða. 

Árið 2010 var Bjarni endurkjörinn með 62 prósent greiddra atkvæða. 

Á síðasta landsfundi flokksins, árið 2013, þegar Hanna Birna Kristjánsdóttir bauð sig fram á móti honum hlaut hann 939 atkvæði eða 78,9 prósent. 

Öllu færri atkvæði voru greidd á fundinum nú en áður, eða samtals tæplega 800 atkvæði.