Þakkaði förðunarfræðingnum sínum sérstaklega

Uppáhaldið okkar, Amy Schumer, fór á kostum þegar hún tók við Emmy verðlaununum fyrir besta sketsa þáttinn Inside Amy Schumer.

„Mig langar að þakka Jessie Klein, aðalhöfundi þáttanna, sem átti barn fyrir tíu sekúndum. Ég var næstum því búin að gera heimskulegan kynlífs-spjallþátt sem enginn hefði horft á, en svo fórum við á fyllerí saman og hún sagði mér að ég ætti að fylgja draumum mínum og gera draumaþáttinn minn,“ sagði Amy.

Hún hélt áfram og sagðist óska þess að hún hefði nú skrifað eitthvað niður. Því næst þakkaði hún förðunarfræðingnum sínum. „Takk allir sem hafa hjálpað mér, stelpan sem farðaði mig og gerði svona fínt smokey á mig.“

Ræðuna má sjá í heild sinni hér fyrir neðan.