Nýherji fyrirmyndarfyrirtæki

Nýherji er fyrirmyndarfyrirtæki í góðum stjórnarháttum samkvæmt mati Rannsóknarmiðstöðvar um stjórnhætti við Háskóla Íslands, að undangenginni ítarlegri úttekt Capacent.

„Niðurstaða úttektar Capacent á stjórnarháttum Nýherja hf. gefur skýra mynd af stjórnarháttum fyrirtækisins og bendir til þess að fyrirtækið geti að mörgu leyti verið öðrum fyrirtækjum til fyrirmyndar þegar kemur að góðum stjórnarháttum,“ segir í umsögn um stjórnarhætti Nýherja.

Þetta kemur fram í tilkynningu frá Nýherja.

Finnur Oddson, forstjóri Nýherja, segir að áhersla hafi verið lögð á að einfalda starfsemi fyrirtækisins að undanförnu.

„Markvisst hefur verið unnið að því að efla innra starf og draga úr áhættu í rekstri. Um leið hefur félagið lagt áherslu á að temja sér góða stjórnarhætti og hefur frá upphafi litið til reglna Viðskiptaráðs, Kauphallar og Samtaka atvinnulífsins. Það er því afar ánægjulegt að Nýherji hafi hlotið viðurkenningu Rannsóknarmiðstöðvar um stjórnarhætti.“