Stóra vatnaopnunin er á föstudaginn

Stóri dagurinn í vatnaveiðinni var alltaf 1. maí en þá opnuðu vötnin fyrir veiðimönnum en síðustu ár hafa þó nokkur vötn opnað fyrr.

Þingvallavatn, Elliðavatn og Meðalfellsvatn hafa þegar verið opinn í nokkra daga en flest vötnin opna núna á föstudaginn 1. maí.  Vötn á láglendi norðanlands eru mörg hver ennþá ísi lögð og ljóst að veiði þar mun ekki hefjast fyrr en í fyrsta lagi eftir eina eða tvær vikur.  Hálendisvötnin opna síðan í júní sem fyrr og víst er að margir bíða spenntir eftir því enda fer þeim fjölgandi sem leggja stund á veiðar á vatnasvæðum eins og Skagaheiði, Veiðivötnum og Arnarvatnsheiði.

Nokkur af þeim vötnum sem opna 1. maí eru t.d. þessi sem eru hluti af Veiðikortinu, Vötnin á Melrakkasléttu, Haugatjarnir í Skriðdal, Haukadalsvatn , Vötnin í Breiðdal, Mjóavatn og Kleifarvatn, Láxárvatn í Dölum, Sléttuhlíðarvatn , Sænautavatn, Úlfljótsvatn og Vatnsdalsvatn í Vatnsfirði.