Icelandair Group er stærsta fyrirtæki landsins miðað við tekjur samkvæmt nýjum lista Keldunnar. Fyrirtækið velti 142 milljörðum króna árið 2014. Keldan birti í morgun lista yfir 300 stærstu landsins miðað við tekjur árið 2014. Marel er í öðru sæti á listanum með 110 milljarða í tekjur og Icelandic Group í því þriðja með tæplega 90 milljarða í tekjur.
Á topp 10 listanum vega stóru viðskiptabankarnir þungt, þeirra stærstur er Arion banki. Útflutningsfyrirtækin eru einnig áberandi. Hér fyrir neðan má sjá tíu tekjuhæstu fyrirtæki landsins:
1. Icelandair Group, velta: 142 milljarðar
2. Marel, velta: 110 milljarðar
3. Icelandic Group, velta: 90 milljarðar
4. Alcoa Fjarðarál, velta: 90 milljarðar árið 2013
5. Arion banki, velta: 85,8 milljarðar
6. Samherji, velta: 78,3 milljarðar
7. Hagar, velta: 76,3 milljarðar
8. Íslandsbanki, velta: 72,8 milljarðar
9. Norðurál Grundartangi, velta: 71,9 milljarðar
10. Landsbankinn, velta: 70,6 milljarðar
KA
Stjarnan
