Strákarnir okkar sáu þessa rosalegu troðslu með eigin augum | Myndband

Strákarnir okkar í íslenska karlalandsliðinu í fótbolta mæta Kandamönnum í tveimur vináttulandsleikjum á morgun og á mánudaginn.

Leikirnir fara fram í Orlando í Flórída þar sem liðið hefur verið við æfingar undanfarna daga, en í gær æfðu allir nema Guðmundur Þórarinsson sem er með flensu.

Í gærkvöldi skelltu strákarnir sér svo á NBA-leik í Amway Center í Orlando þar sem heimamenn í Orlandi Magic tóku á móti Houston Rockets.

Okkar menn höfðu góð áhrif á Orlando-liðið sem vann sjö stiga sigur á firnasterku liði Houston, 120-113, en enginn á vellinum var betri en Victor Oladipo.

Skotbakvörðurinn öflugi var með sýningu fyrir íslenska landsliðið og skoraði 32 stig auk þess sem hann tók sex fráköst, gaf sex stoðsendingar og stal þremur boltum.

Til að kóróna frammstöðu sína gekk hann frá leiknum með frábærri 360-troðslu þegar 37 sekúndur voru eftir.

Það var ekki furða að Hannes Þór Halldórsson, markvörður íslenska liðsins, skrifaði á Instagram-síðu sína: „NBA - Þvílíkt show!“

Troðsluna og svipmyndir frá frammistöðu Oladipo má sjá í myndböndunum hér að neðan.

Orlando Magic- Houston Rockets

A video posted by Rurik Gislason (@rurikgislason) on Jan 14, 2015 at 5:37pm PST

NBA - Þvílíkt show!

A photo posted by Hannes Halldórsson (@hanneshalldorsson) on Jan 14, 2015 at 7:51pm PST

NBA

A photo posted by Þórarinn Junior (@thorarinningi) on Jan 14, 2015 at 7:31pm PST