Kaupmáttur aukist um þriggja mánaða matarinnkaup

Kaupmáttur launa jókst um 5,7% á síðasta ári en það sem samsvarar þriggja mánaða matarútgjöldum meðal heimilis. Þetta kemur fram í gögnum sem Samtök atvinnulífsins hafa tekið saman.

Þetta er mesta aukning kaupmáttar á einu ári frá árinu 1998. Kaupmáttur einstaklings með meðaltekjur jókst t.d. um 225 þúsund krónur eftir skatt á árinu 2013 eða um 19 þúsund krónur á mánuði. Kaupmáttur hjóna með meðaltekjur jókst því um 450 þúsund krónur.

Samtök atvinnulífsins segja stóran þátt í auknum kaupmætti vera lága verðbólgu en hún mældist 0,8% á síðasta ári. Þá er einnig bent á að þrír fjórðu skulda íslenskra heimila séu verðtryggð lán. Fyrir heimili með meðalskuldir, um 20 milljónir króna, sé ávinningur  lækkunar verðbólgu árið 2014 miðað við 2013 rúmlega hálf milljón króna.

Sé hægt að viðalda lágri verðbólgu gæti það leitt til lækkunar vaxta sem sé nú allt of háir og íþyngjandi fyrir bæði fyrirtæki og heimili segir í greiningu Samtaka atvinnulífsins.

Kaupmáttur hjóna með meðaltekjur jókst því um 450 þúsund krónur.