Myndatökumaður sló tönn úr Tiger

Tiger Woods mætti til að styðja unnustu sína, Lindsey Vonn, um daginn en sú ferð var ekki til fjár.

Tiger sá Vonn vinna sögulegan sigur. Hennar 63. sigur á heimsbikarmóti sem er met.

Í verðlaunaafhendingunni fór síðan illa. Mikið var af ljósmyndurum og myndatökumönnum að fylgjast með Vonn. Tiger var í miðri þvögunni.

Einn myndatökumaður var að snúa vél sinni á talsverðum hraða og rak vélina beint í andlitið á Tiger. Við það fauk framtönn úr honum.

Kylfingurinn hefur aldrei verið gefinn fyrir myndavélar en og það hefur líklega ekki breyst eftir þessa uppákomu.