Algjör umbreyting á örfáum árum Jón Hákon Halldórsson skrifar 6. maí 2015 12:00 Það þótti ærin ástæða til að fagna þegar Fasteignafélagið Eik var skráð á Markað í síðustu viku. fréttablaðið/gva Algjör umbreyting hefur orðið á hlutabréfamarkaðnum frá árinu 2009, segir Páll Harðarson, forstjóri Nasdaq Iceland. „Það hafa komið inn mörg öflug félög, markaðsverðið hefur fjórfaldast á þessum tíma. Farið úr 200 milljörðum í 800 milljarða,“ segir Páll í samtali við Markaðinn. Þetta þýði það að markaðsvirði félaga sé komið upp í 40 prósent af landsframleiðslu. „Það stefnir í það innan fárra ára að markaðurinn verði það afl í þjóðfélaginu sem hann er í löndunum í kringum okkur og þessi stuðningur við atvinnulífið sem við viljum að hann verði,“ segir Páll. Á sama tíma og markaðsvirðið hefur fjórfaldast hafa viðskiptin þrettánfaldast. Á árinu 2009 hafi dagleg viðskipti numið 100 milljónum króna, en nú séu þau komin upp í 1.300 milljónir. Á vissum tímabilum geti viðskipti orðið enn meiri. „Eins og í kringum uppgjör félaga. Í slíkum tilfellum eru viðskiptin í kringum tveir milljarðar. Þetta er gjörbreytt ásýnd og auðvitað hefst þetta fyrir alvöru með skráningu Haga síðla árs árið 2011 þannig að þetta er í raun og veru ekkert langur tími. Þetta er í þrjú og hálft ár sem þessi uppbyggingarfasi hefur staðið yfir,“ segir Páll. Í liðinni viku hófust viðskipti með bréf í fasteignafélaginu Eik. Það var þriðja fasteignafélagið sem var skráð á markað. Þar eru jafnframt skráð þrjú tryggingafélög, auk annarra félaga. „Skoðanaskiptin verða áhugaverðari, að því leyti til held ég, að það sé áhugavert að vera með mörg félög í hverri grein,“ segir Páll. Hann segir jafnframt að auðvelt sé að færa sig á milli greina, jafnvel milli hlutabréfa og skuldabréfa. Það séu að myndast fjölbreyttari fjárfestingarkostir sem geri markaðinn skilvirkari, áhugaverðari fyrir fjárfesta og meira aðlaðandi kost bæði fyrir fagfjárfesta og almenna fjárfesta. „Og ég á alveg von á því að þessi þróun haldi áfram,“ segir Páll. Í vetur gaf Kauphöllin út ritið Aukin virkni og gagnsemi íslensks verðbréfamarkaðar. „Við höfum fylgt þessu eftir og rætt þetta áfram meðal hagsmunaaðila, en þessar tillögur eru að nokkru leyti sprottnar upp úr samtali við aðila á markaði. Við höfum átt í viðræðum við stjórnvöld og höfum fengið ágætar viðtökur,“ segir Páll. Hann segir fyrstu viðbrögð stjórnvalda vera jákvæð og telur að almennt sé skilningur á því meðal stjórnvalda að þetta skipti máli. „Ein af þessum tillögum sneri að möguleika lífeyrissjóða til þess að fjárfesta á markaðstorgi fjármálagjörninga. Ég get ekki séð betur en að það sé þverpólitískur stuðningur við það frumvarp sem er inni á þingi sem myndi leiða til þess að lífeyrissjóðirnir fengju aukaheimild upp á fimm prósent af sínu eignasafni til þess að fjárfesta á markaðstorgum fjármálagerninga. Það frumvarp er komið í gegnum tvær umræður á þingi og ég geri mér góðar vonir um að það fari í gegn,“ segir Páll. Þá hafi Kauphöllin einnig átt í viðræðum við stjórnvöld um tillögur sem gera það auðveldara og ódýrara fyrir smærri fyrirtæki að koma inn á markaðinn. „Þar höfum við átt samtal og mín upplifun er sú að þessar tillögur hafi mætt góðum skilningi en engar ákvarðanir verið teknar af hálfu stjórnvalda,“ segir Páll. Mest lesið Ráðinn framkvæmdastjóri Landssambands veiðifélaga Viðskipti innlent Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Base parking gjaldþrota Viðskipti innlent Ratcliffe boðar nýja laxastiga og miklar hrognasleppingar Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira
Algjör umbreyting hefur orðið á hlutabréfamarkaðnum frá árinu 2009, segir Páll Harðarson, forstjóri Nasdaq Iceland. „Það hafa komið inn mörg öflug félög, markaðsverðið hefur fjórfaldast á þessum tíma. Farið úr 200 milljörðum í 800 milljarða,“ segir Páll í samtali við Markaðinn. Þetta þýði það að markaðsvirði félaga sé komið upp í 40 prósent af landsframleiðslu. „Það stefnir í það innan fárra ára að markaðurinn verði það afl í þjóðfélaginu sem hann er í löndunum í kringum okkur og þessi stuðningur við atvinnulífið sem við viljum að hann verði,“ segir Páll. Á sama tíma og markaðsvirðið hefur fjórfaldast hafa viðskiptin þrettánfaldast. Á árinu 2009 hafi dagleg viðskipti numið 100 milljónum króna, en nú séu þau komin upp í 1.300 milljónir. Á vissum tímabilum geti viðskipti orðið enn meiri. „Eins og í kringum uppgjör félaga. Í slíkum tilfellum eru viðskiptin í kringum tveir milljarðar. Þetta er gjörbreytt ásýnd og auðvitað hefst þetta fyrir alvöru með skráningu Haga síðla árs árið 2011 þannig að þetta er í raun og veru ekkert langur tími. Þetta er í þrjú og hálft ár sem þessi uppbyggingarfasi hefur staðið yfir,“ segir Páll. Í liðinni viku hófust viðskipti með bréf í fasteignafélaginu Eik. Það var þriðja fasteignafélagið sem var skráð á markað. Þar eru jafnframt skráð þrjú tryggingafélög, auk annarra félaga. „Skoðanaskiptin verða áhugaverðari, að því leyti til held ég, að það sé áhugavert að vera með mörg félög í hverri grein,“ segir Páll. Hann segir jafnframt að auðvelt sé að færa sig á milli greina, jafnvel milli hlutabréfa og skuldabréfa. Það séu að myndast fjölbreyttari fjárfestingarkostir sem geri markaðinn skilvirkari, áhugaverðari fyrir fjárfesta og meira aðlaðandi kost bæði fyrir fagfjárfesta og almenna fjárfesta. „Og ég á alveg von á því að þessi þróun haldi áfram,“ segir Páll. Í vetur gaf Kauphöllin út ritið Aukin virkni og gagnsemi íslensks verðbréfamarkaðar. „Við höfum fylgt þessu eftir og rætt þetta áfram meðal hagsmunaaðila, en þessar tillögur eru að nokkru leyti sprottnar upp úr samtali við aðila á markaði. Við höfum átt í viðræðum við stjórnvöld og höfum fengið ágætar viðtökur,“ segir Páll. Hann segir fyrstu viðbrögð stjórnvalda vera jákvæð og telur að almennt sé skilningur á því meðal stjórnvalda að þetta skipti máli. „Ein af þessum tillögum sneri að möguleika lífeyrissjóða til þess að fjárfesta á markaðstorgi fjármálagjörninga. Ég get ekki séð betur en að það sé þverpólitískur stuðningur við það frumvarp sem er inni á þingi sem myndi leiða til þess að lífeyrissjóðirnir fengju aukaheimild upp á fimm prósent af sínu eignasafni til þess að fjárfesta á markaðstorgum fjármálagerninga. Það frumvarp er komið í gegnum tvær umræður á þingi og ég geri mér góðar vonir um að það fari í gegn,“ segir Páll. Þá hafi Kauphöllin einnig átt í viðræðum við stjórnvöld um tillögur sem gera það auðveldara og ódýrara fyrir smærri fyrirtæki að koma inn á markaðinn. „Þar höfum við átt samtal og mín upplifun er sú að þessar tillögur hafi mætt góðum skilningi en engar ákvarðanir verið teknar af hálfu stjórnvalda,“ segir Páll.
Mest lesið Ráðinn framkvæmdastjóri Landssambands veiðifélaga Viðskipti innlent Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Base parking gjaldþrota Viðskipti innlent Ratcliffe boðar nýja laxastiga og miklar hrognasleppingar Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira