Fasteignir seldar fyrir 3,5 milljarða

Velta fasteignasölu á höfuðborgarsvæðinu dagana 23 til 29 janúar var 3,542 milljarðar króna. Meðalupphæð á samningi var 39,8 milljónir króna segir í frétt Þjóðskrá Íslands.

Fjöldi þinglýstra kaupsamningar skrapp saman um 23 prósent miðað við meðaltal síðustu 12 vikna. Alls voru 89 kaupsamningar á höfuðborgarsvæðinu þinglýstir á tímabilinu miðað við 115 að meðaltali síðustu þrjá mánuði.

Í vikunni voru 63 samningar um eignir í fjölbýli, 18 samningar um sérbýli og 8 samningar um annars konar eignir en íbúðarhúsnæði.

Þá voru 13 kaupsamningum þinglýst á Suðurnesjum á sama tímabili.  Heildarveltan var 270 milljónir króna og meðalupphæð á samning 20,8 milljónir króna.

Á sama tíma var 14 kaupsamningum þinglýst á Akureyri. Þar af voru 8 samningar um eignir í fjölbýli og 6 samningar um sérbýli. Heildarveltan var 391 milljón króna og meðalupphæð á samning 28 milljónir króna.