LeBron hafði betur gegn Kobe

Tveir af bestu körfboltamönnum allra tíma - Kobe Bryant og LeBron James - buðu upp á flotta sýningu er lið þeirra mættust í NBA-deildinni í gær.

LeBron James gerði sér lítið og skoraði 36 stig er Cleveland batt enda á sex leikja taphrinu sína. Bryant skoraði 19 stig og gaf 17 stoðsendingar en hann hefur aldrei gefið eins margar stoðsendingar á sínum ferli.

„Það er alltaf gaman og ánægja að spila á móti Kobe. Hérna voru að mætast tveir af mestu keppnismönnum körfuboltasögunnar. Ég ólst upp við að sjá hann spila og það var ömurlegt að missa hann í fyrra. Ég er ánægður að fá hann aftur í deildina," sagði James eftir leik.

Þeir félagar tóku leikinn yfir undir lokin en James reyndist sterkari.

Áhorfendur í London fengu svo að sjá NY Knicks tapa sínum 16. leik í röð. Að þessu sinni gegn Milwaukee Bucks.

Úrslit:

Milwaukee-NY Knicks  95-79

Houston-Oklahoma  112-101

LA Lakers-Cleveland  102-109