Marel hlaut menntaverðlaunin

Marel hlaut í gær menntaverðlaun atvinnulífsins og var útnefnt sem Menntafyrirtæki ársins 2015.

Á þriðja tug fyrirtækja sem þóttu hafa staðið sig vel á sviði fræðslu- og menntamála hlutu tilnefningu og náðu þær til jafnt stórra og smærri fyrirtækja í fjölbreyttum greinum.

Illugi Gunnarsson, mennta- og menningarmálaráðherra  og Hildur Elín Vignir framkvæmdastjóri IÐUNNAR og  formaður dómnefndar afhentu verðlaunin og Sigríður Þrúður Stefánsdóttir mannauðsstjóri  Marel  í Garðabæ veitti þeim móttöku fyrir hönd Marel.