Arion banki færir Landspítala 400 ný sjúkrarúm Sæunn Gísladóttir skrifar 3. september 2015 13:31 Höskuldur H. Ólafsson, bankastjóri Arion banka og Páll Matthíasson, forstjóri Landspítalans í dag. Vísir/Arion banki Arion banki hefur fært Landspítala háskólasjúkrahúsi 150 milljónir króna að gjöf sem spítalinn mun nota til kaupa á nýjum sjúkrarúmum og dýnum. Afhendingin fór fram í dag á Landspítala við Hringbraut. Brýn þörf er innan spítalans á að endurnýja fjölda rúma sem komin eru til ára sinna. Með gjöfinni verður spítalanum gert mögulegt að kaupa 400 ný sjúkrarúm og dýnur á næstu tveimur árum og verða jafnframt gömlu rúmin tekin úr notkun. Á hverju ári eru legudagar sjúklinga á Landspítala um 220 þúsund og mun endurnýjun sjúkrarúma af þessari stærðargráðu hafa áhrif á þúsundir einstaklinga, bæði sjúklinga og starfsfólk. Gert er ráð fyrir að fyrstu rúmin verði tekin í notkun eftir sex til átta vikur, segir í tilkynningu frá Arion Banka. Staðan á sjúkrarúmum spítalans var kortlögð í árslok 2013. Í ljós kom að af þeim 800 rúmum sem eru í notkun eru um 400 gömul járnrúm. Járnrúmin eru ýmist fótstigin eða rafknúin en rafvirkjar spítalans hafa séð um að rafvæða hluta af gömlu rúmunum til þess að bæta ástand þeirra. Aðstæður eru sérlega slæmar á geðsviði spítalans en þar er, auk gömlu rúmanna, einnig notast við bedda og svefnsófa fyrir sjúklinga. „Við erum afar þakklát Arion banka fyrir þessa höfðinglegu gjöf sem mun snerta bæði sjúklinga og starfsfólk spítalans. Járnrúmin sem eru mörg hver hálfrar aldar gömul eru úreld og þjóna ekki sama hlutverki og nútíma rúm sem í dag eru lækningatæki. Gömlu rúmin eru of stutt fyrir marga sjúklinga okkar auk þess sem þau þola ekki mikla þyngd. Til viðbótar hefur verið erfitt fyrir starfsfólk að vinna við rúmin þar sem þau eru mörg hver rangskreið og erfitt er að hækka þau og lækka. Gjöf Arion banka mun breyta daglegu lífi sjúklinga og starfsfólks á spítalanum,“ segir Páll Matthíasson, forstjóri Landspítala. „Við viljum leggja okkar af mörkum til samfélagsins og málefni heilbrigðiskerfisins snerta okkur öll. Við hjá Arion banka höfum í gegnum tíðina stutt við heilbrigðisstofnanir víða um land með tækjagjöfum, þannig að þetta málefni er okkur sérstaklega hugleikið. Nú þegar rekstur og uppbygging bankans gengur vel þá viljum við láta gott af okkur leiða með þessum hætti. Við höfum undanfarið átt samstarf við Landspítala á sviði straumlínustjórnunar og kynnst spítalanum ágætlega. Við fengum fregnir af afleitu ástandi sjúkrarúma og að það kæmi niður á bæði sjúklingum og starfsfólki. Það er okkur því sérstaklega ánægjulegt að geta lagt okkar af mörkum til að bæta líðan sjúklinga og um leið starfsaðstæður starfsfólks spítalans,“ segir Höskuldur H. Ólafsson, bankastjóri Arion banka.Páll Matthíasson og Höskuldur H. Ólafsson undirrita samning.Vísir/Arion bankiMikilvæg lækningatæki Nútíma sjúkrarúm eru lækningatæki sem eru útbúin flóknum búnaði til að mæta ítrustu kröfum um öryggi sjúklinga og aðstöðu starfsfólks. Þau eru rafdrifin með stillingum fyrir mismunandi sjúkdómsástand: stillingu fyrir stöðu vegna endurlífgunar, gráðuboga sem sýnir nákvæman halla á höfðalagi t.d. vegna höfuðáverka og stjórnborði sem gerir sjúklingi kleift að breyta stöðu rúmsins á eigin spýtur. Nútíma sjúkrarúm eru hönnuð til þess að sjúklingur geti verið í sem eðlilegustum stellingum í því. Þau geta breyst í stól og aðstoðað sjúklinginn við að standa á fætur. Öll hreyfing, þrátt fyrir alvarleg veikindi og rúmlegu af þeim sökum, er lykilatriði í að viðhalda vöðvastyrk og hefja endurhæfingu eins snemma og unnt er. Þá eru dýnurnar gríðarlega mikilvægar því þær þurfa að þola mikla þyngd, notkun og þrif. Góðar dýnur stuðla ekki aðeins að betri líðan sjúklinga heldur fyrirbyggja líka sáramyndun sem kostar ómælda peninga í formi sáraumbúða, sýklalyfja, flókinnar sárameðferðar, lengri legutíma auk þjáninga sem slíku fylgir fyrir sjúklinginn. Mest lesið Grindvíkingar borgi allt að þriðjungi hærri leigu en aðrir Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Krónísk óstundvísi: Skýringar og góð ráð Atvinnulíf Guðný og Sigurður Helgi til SI Viðskipti innlent Arnar Már nýr aðstoðarforstjóri Viðskipti innlent Tekjur Apple drógust saman enn eina ferðina Viðskipti erlent Tekur við stöðu sviðsstjóra Netöryggismiðstöðvar Íslands Viðskipti innlent Mun bjóða upp á sömu flugáætlun og Bláfugl áður Viðskipti innlent „Ég var skíthrædd að senda þessa tölvupósta“ Atvinnulíf Sjö vilja taka við af Gunnari Viðskipti innlent Fleiri fréttir Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Sjá meira
Arion banki hefur fært Landspítala háskólasjúkrahúsi 150 milljónir króna að gjöf sem spítalinn mun nota til kaupa á nýjum sjúkrarúmum og dýnum. Afhendingin fór fram í dag á Landspítala við Hringbraut. Brýn þörf er innan spítalans á að endurnýja fjölda rúma sem komin eru til ára sinna. Með gjöfinni verður spítalanum gert mögulegt að kaupa 400 ný sjúkrarúm og dýnur á næstu tveimur árum og verða jafnframt gömlu rúmin tekin úr notkun. Á hverju ári eru legudagar sjúklinga á Landspítala um 220 þúsund og mun endurnýjun sjúkrarúma af þessari stærðargráðu hafa áhrif á þúsundir einstaklinga, bæði sjúklinga og starfsfólk. Gert er ráð fyrir að fyrstu rúmin verði tekin í notkun eftir sex til átta vikur, segir í tilkynningu frá Arion Banka. Staðan á sjúkrarúmum spítalans var kortlögð í árslok 2013. Í ljós kom að af þeim 800 rúmum sem eru í notkun eru um 400 gömul járnrúm. Járnrúmin eru ýmist fótstigin eða rafknúin en rafvirkjar spítalans hafa séð um að rafvæða hluta af gömlu rúmunum til þess að bæta ástand þeirra. Aðstæður eru sérlega slæmar á geðsviði spítalans en þar er, auk gömlu rúmanna, einnig notast við bedda og svefnsófa fyrir sjúklinga. „Við erum afar þakklát Arion banka fyrir þessa höfðinglegu gjöf sem mun snerta bæði sjúklinga og starfsfólk spítalans. Járnrúmin sem eru mörg hver hálfrar aldar gömul eru úreld og þjóna ekki sama hlutverki og nútíma rúm sem í dag eru lækningatæki. Gömlu rúmin eru of stutt fyrir marga sjúklinga okkar auk þess sem þau þola ekki mikla þyngd. Til viðbótar hefur verið erfitt fyrir starfsfólk að vinna við rúmin þar sem þau eru mörg hver rangskreið og erfitt er að hækka þau og lækka. Gjöf Arion banka mun breyta daglegu lífi sjúklinga og starfsfólks á spítalanum,“ segir Páll Matthíasson, forstjóri Landspítala. „Við viljum leggja okkar af mörkum til samfélagsins og málefni heilbrigðiskerfisins snerta okkur öll. Við hjá Arion banka höfum í gegnum tíðina stutt við heilbrigðisstofnanir víða um land með tækjagjöfum, þannig að þetta málefni er okkur sérstaklega hugleikið. Nú þegar rekstur og uppbygging bankans gengur vel þá viljum við láta gott af okkur leiða með þessum hætti. Við höfum undanfarið átt samstarf við Landspítala á sviði straumlínustjórnunar og kynnst spítalanum ágætlega. Við fengum fregnir af afleitu ástandi sjúkrarúma og að það kæmi niður á bæði sjúklingum og starfsfólki. Það er okkur því sérstaklega ánægjulegt að geta lagt okkar af mörkum til að bæta líðan sjúklinga og um leið starfsaðstæður starfsfólks spítalans,“ segir Höskuldur H. Ólafsson, bankastjóri Arion banka.Páll Matthíasson og Höskuldur H. Ólafsson undirrita samning.Vísir/Arion bankiMikilvæg lækningatæki Nútíma sjúkrarúm eru lækningatæki sem eru útbúin flóknum búnaði til að mæta ítrustu kröfum um öryggi sjúklinga og aðstöðu starfsfólks. Þau eru rafdrifin með stillingum fyrir mismunandi sjúkdómsástand: stillingu fyrir stöðu vegna endurlífgunar, gráðuboga sem sýnir nákvæman halla á höfðalagi t.d. vegna höfuðáverka og stjórnborði sem gerir sjúklingi kleift að breyta stöðu rúmsins á eigin spýtur. Nútíma sjúkrarúm eru hönnuð til þess að sjúklingur geti verið í sem eðlilegustum stellingum í því. Þau geta breyst í stól og aðstoðað sjúklinginn við að standa á fætur. Öll hreyfing, þrátt fyrir alvarleg veikindi og rúmlegu af þeim sökum, er lykilatriði í að viðhalda vöðvastyrk og hefja endurhæfingu eins snemma og unnt er. Þá eru dýnurnar gríðarlega mikilvægar því þær þurfa að þola mikla þyngd, notkun og þrif. Góðar dýnur stuðla ekki aðeins að betri líðan sjúklinga heldur fyrirbyggja líka sáramyndun sem kostar ómælda peninga í formi sáraumbúða, sýklalyfja, flókinnar sárameðferðar, lengri legutíma auk þjáninga sem slíku fylgir fyrir sjúklinginn.
Mest lesið Grindvíkingar borgi allt að þriðjungi hærri leigu en aðrir Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Krónísk óstundvísi: Skýringar og góð ráð Atvinnulíf Guðný og Sigurður Helgi til SI Viðskipti innlent Arnar Már nýr aðstoðarforstjóri Viðskipti innlent Tekjur Apple drógust saman enn eina ferðina Viðskipti erlent Tekur við stöðu sviðsstjóra Netöryggismiðstöðvar Íslands Viðskipti innlent Mun bjóða upp á sömu flugáætlun og Bláfugl áður Viðskipti innlent „Ég var skíthrædd að senda þessa tölvupósta“ Atvinnulíf Sjö vilja taka við af Gunnari Viðskipti innlent Fleiri fréttir Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Sjá meira