Voru sammála um óbreytta vexti

Tillaga Más Guðmundssonar seðlabankastjóra um að halda vöxtum bankans óbreyttum var samþykkt samhljóða í Peningastefnunefnd. Þetta kemur fram í fundargerð peningastefnunefndar sem birt var í dag.

Það kom nokkuð á óvart þegar Seðlabankinn tilkynnti að vöxtum yrði haldið óbreyttum í febrúar Allir helstu greinendur á markaði höfðu spáð 0,25 prósentustiga lækkun. Var vísað til þess að verðbólgan væri undir neðri þolmörkum og verðbólguvæntingar ekki miklar.

Seðlabankinn vísaði aftur á móti helst til óróa á vinnumarkaði þegar ákvörðun um óbreytta vexti var kynnt.