Áin sem lítur út fyrir að vera ósköp saklaus lætur lítið yfir sér þegar ekið er yfir hana upp eftir Norðurádalnum hefur verið í góðum gír og það fékk Baldur Guðmundsson að reyna ásamt félögum sínum en þeir eru nýkomnir úr ánni. "Við veiddum á föstudag og hálfan laugardag á tvær stangir. Náður 12 löxum og misstum annað eins" sagði Baldur þegar við heyrðum í honum í morgun. "Við sáum töluvert af laxi neðarlega í ánni. Á nokkrum stöðum. Það vantar rigningar til að fiskurinn gangi upp fyrir þjóðveg en á neðstu veiðistöðunum skiptir það ekki mála. Þar gætir sjávarfalla og fiskurinn ryðst inn með flóðinu" bætti hann svo við.
Laxinn var að taka Rauða Frances og Black Ghost sem er nú yfirleitt betur þekkt sem góð fluga í urriðann en er líka oft notuð í haustveiði á laxi. Gufuá er fyrir þær sakir óvenjuleg veiðiá. Þegar flóðið kemur snýst straumurinn skyndilega við og áin, sem er skipgeng langt upp í land, fyllist af vatni.
