Google Chrome er vinsælasti vafri landsins

Google Chrome er vinsælasti vafri landsins ef marka má vefmælingar Modernus. Markaðshlutdeild Google Chrome var 44 prósent í árslok 2014.

Þar á eftir var Safari með 23 prósent markaðshlutdeild. Internet Explorer var í þriðja sæti með 15 prósent af markaðnum. Í fjórða sæti var Firefox með 11 prósent markaðshlutdeild. Hlutdeild annarra vafra var 4 prósent eða lægri.

Netnotkun landsmanna eftir vöfrum er mæld hjá Modernus eftir flettingum á síður sem Modernus mælir en undir mælingarnar falla vinsælustu íslensku vefsíðurnar.