Farþegum WOW air í nóvember fjölgar um 78 prósent

WOW air flutti 58 þúsund farþega til og frá landinu í nóvember eða um 78 prósent fleiri en í nóvember á síðasta ári. Sætanýting WOW air í nóvember var 87 prósent en sætanýting í fyrra á sama tímabili var 84 prósent.

Þetta kemur fram í tilkynningu frá fyrirtækinu. „Það sem af er árinu hefur WOW air flutt um 676 þúsund farþega en það er 45% aukning farþega á sama tímabili frá árinu áður.“

Skúli Mogensen, forstjóri og stofnandi WOW air, segir ánægjulegt að nóvembermánuður sé orðinn vinsælli meðal ferðamanna sem koma til Íslands. „Aldrei hafa fleiri ferðamenn flogið með WOW air til Íslands í nóvember en 78% fleiri flugu með flugfélaginu í síðasta mánuði en árið áður.“