Hagnaður sjávarútvegs dróst saman milli ára

Hagnaður sjávarútvegsfyrirtækja fyrir afskriftir, fjármagnskostnað og tekjuskatt sem hlutfall af heildartekjum sjávarútvegs minnkaði milli áranna 2012 og 2013. Þetta kemur fram í Hagtíðindum um hag veiða og vinnslu frá Hagstofu Íslands.

Í fiskveiðum og vinnslu lækkaði hlutfallið úr 30 prósentum í 26,5 prósent, lækkaði í fiskveiðum úr 25 prósentum árið 2012 í 20,1 prósent af tekjum árið 2013 og lækkaði í fiskvinnslu úr 17,2 prósentum í sautján prósent.

Samkvæmt efnahagsreikningi voru heildareignir sjávarútvegs í árslok 2013 tæpir 530 milljarðar króna, heildarskuldir rúmir 380 milljarðar og eigið fé rúmir 149 milljarðar.