Sport

Gunnar Nelson átti eina af tíu bestu hengingum ársins í UFC | Myndband

Tómas Þór Þórðarson skrifar
Gunnar Nelson hengir Brandon Thatch.
Gunnar Nelson hengir Brandon Thatch. vísir/getty
Henging Gunnars Nelson á Brandon Thatch sem tryggði honum sigur gegn Bandaríkjamanninum á UFC 189-bardagakvöldinu í Las Vegas í sumar er sú níunda besta á árinu að mati UFC.

Þetta kemur fram í grein á vefsíðu sambandsins en þar er farið yfir tíu bestu hengingar ársins.

Gunnar kom öllum á óvart í bardaganum gegn Thatch og negldi Bandaríkjamanninn í gólfið með föstu höggi en Thatch átti að vera mun sterkari boxari en Gunnar.

Þegar í gólfið var komið átti Thatch ekki möguleika en bardaginn var stöðvaður eftir tvær mínútur og 54 sekúndur þegar Thatch gafst upp.

Bardagann í heild sinni má sjá hér að neðan.




Fleiri fréttir

Sjá meira


×