Ungliðar Svíþjóðardemókrata: „Það þarf að gera eitthvað róttækt“

„Ekki er hægt að treysta á að stjórnvöld leysi þessa stöðu,“ segir Joakim Isheden, fyrrverandi leiðtogi SDU, sjálfstætt starfandi ungliðahreyfingar Svíþjóðardemókrata, í nýrri heimildarmynd Guardian. 

Hann segir að skipta þurfi um ríkisstjórn til að koma í veg fyrir áframhaldandi straum flóttafólks til Svíþjóðar. „Það þarf að gera eitthvað róttækt.“

Harkalega hefur verið tekist á um móttöku flóttafólks í Svíþjóð undanfarið og hefur verið kveikt í og ráðist að miðstöðvum sem settar hafa verið upp fyrir flóttafólk í landinu. Kærasta Joakims, sem einnig er rætt við í myndinni, segist skilja reiði þeirra sem ráðast gegn flóttafólki.

„Ég get ekki skilið af hverju þeir kveikja í flóttamannamiðstöðvum, en ég skil reiði þeirra,“ segir Sara Engström, sem einnig er meðlimur í ungliðahreyfingu Svíþjóðardemókrata.

Hægt er að horfa á umfjöllun Guardian í spilaranum hér fyrir neðan: