Haldið sofandi í öndunarvél

Ökumaðurinn sem ók bíl sem valt út af veginum í Hrútafirði, skammt frá Staðaskála í gærkvöld, er alvarlega slasaður og er honum haldið sofandi í öndunarvél. Þetta hefur Vísir eftir upplýsingafulltrúi Landspítalans.

Maðurinn var einn í bíl sínum um tíuleytið í gærkvöldi þegar slysið varð. Var óskað eftir þyrlu Landhelgisgæslunnar sem sótti manninn og lenti með hann við Borgarspítalann í Fossvogi laust fyrir klukkan eitt í nótt. Þar gekkst hann undir aðgerð.

Hlaut maðurinn meðal annars alvarleg meiðsli á höfði en ekki er ljóst hvað olli slysinu. Hálka var á vettvangi.