Kendall Jenner dansar í neðanjarðarlest

Það er greinilega öllu tjaldað til þegar kemur að samstarfi Balmain og sænska verslanarisanum Hennes & Mauritz. 

Nú var frumsýnd sjónvarpsauglýsing þar sem ofurfyrirsætan Kendall Jenner er í aðalhlutverki en yfirhönnuðurinn sjálfur Olivier Rousteign kemur einnig fyrir. Auglýsingin minnir helst á tölvuleik og fatnaðurinn, sem hefur fengið mikið hrós, nýtur sín vel. Jenner stígur dansspor ásamt fleirum fyrirsætum í myndbandinu. 

Fatalínan er væntanleg í vel valdar H&M verslanir út um allan heim þann 5.nóvember næstkomandi.