Lögreglan varar við LSD-töflu með hakakrossi

Lögreglustjórinn á Suðurnesjum varar við LSD-töflu sem komin er í umferð en taflan er með merki hakakrossins.

Á Facebook-síðu lögreglustjórans kemur fram að taflan valdi miklum áhrifum og að komið hafi upp mörg mál hjá lögreglu „þar sem aðilar sem hafa neytt töflunar eru gjörsamlega út úr heiminum og stórhættulegir sjálfum sér og öðrum.

Lögreglumenn sem og aðrir eru varaðir við því að koma við töfluna með berum höndum líkt og önnur fíkniefni en hættan felst í því að ef LSD er handleikið með berum höndum þá getur efnið smitast í gegnum húðina og viðkomandi getur fundið til áhrifa.“

Þá bendir lögreglustjórinn jafnframt á að hafa þurfi í huga „að aðilar sem eru undir áhrifum þessarar töflu geta verið mjög varasamir með brenglað sársaukaskyn.“

Við viljum vekja athygli á að LSD tafla, með merki hakakrossins, er komin í umferð. Taflan veldur miklum áhrifum, komið...

Posted by Lögreglustjórinn á Suðurnesjum on Friday, 6 November 2015