Fékk áfallahjálp eftir að hafa ekið yfir konu

Vagnstjóri hjá Strætó var tekin af vakt og honum boðin áfallahjálp eftir að vagni var ekið yfir fótinn á ungri konu á annatíma í Mjóddinni um klukkan átta í morgun. Samkvæmt upplýsingum frá lögreglu skrikaði konunni til þannig að fætur hennar urðu undir afturdrekki strætisvagnsins.

Jóhannes Rúnarsson, framkvæmdastjóri Strætó, segir í samtali við Vísi að vagnstjórinn hafi ekki orðið þess var þegar ekið var yfir konuna. Náðst hafi samband við hann í kjölfarið og hann tekinn af leið. Var honum boðin áfallahjálp.

Ekki liggur fyrir hvort eða þá hve margir farþegar voru í vagninu en um aukavagn var að ræða vegna anna á þessum tíma dags. Málið er í rannsókn hjá lögreglu en unga konan gekkst undir aðgerð í hádeginu vegna beinbrotsins.