Jafn margir áskrifendur að Netflix og Mogganum

Þúsundir íslenskra heimila eru með áskrift að Netflix streymisveitunni. Fara þarf krókaleiðir til að kaupa áskrift af þjónustu fyrirtækisins, sem formlega séð er ekki á íslenskum markaði.

Greint er frá þessum niðurstöðum í skýrslu um rekstur og stöðu RÚV og er vitnað í könnun MMR.

Í könnun MMR, sem gerð var í mars síðastliðnum, kemur fram að 18,4 prósent heimila væru með Netflix-áskrift og 3,6 prósent með áskrift að sambærilegri streymisveitu, Hulu Plus.

Jafn mörg heimili eru, samkvæmt könnuninni, með áskrift að Netflix og Morgunblaðinu.