Lamar Odom sagður hafa eytt 9,3 milljónum króna á vændishúsinu Birgir Olgeirsson skrifar 16. október 2015 11:47 Lamar Odom við læknisskoðun áður en hann gekk til liðs við spænska liðið Laboral Kutxa í fyrra. Vísir/EPA Fyrrverandi NBA-leikmaðurinn Lamar Odom liggur enn þungt haldinn á sjúkrahúsi í Las Vegas eftir að hafa fundist meðvitundarlaus á vændishúsi í vikunni. Hann er sagður hafa tekið engum framförum síðastliðna daga og er talið nánast útilokað að hann muni nokkru sinni ná fullri heilsu.Lamar Odom átti sín bestu ár í NBA-deildinni með Los Angeles Lakers. Hér er hann ásamt góðvini sínum Kobe Bryant.Vísir/EPAOdom er 35 ára gamall og kom víða við á NBA ferli sínum. Hann var valinn fjórði í nýliðavalinu árið 1999 af Los Angeles Clippers þar sem hann dvaldi í fjögur ár. Þaðan lá leiðin til Miami Heat áður en hann gekk til liðs við Los Angeles Lakers. Hann átti sín bestu ár með því liði þar sem hann vann til tveggja NBA-titla og var valinn sjötti maður ársins árið 2011. En síðan fór að halla undan fæti og var honum skipt til Dallas Mavericks og spilaði sitt síðasta tímabil í NBA fyrir Clippers árið 2013 en hann gekk til liðs við spænska liðið Laboral Kutxa í fyrra. Hann gerði síðan samning við New York Knicks en kom þó aldrei við sögu í leikjum liðsins. Knicks riftu samningnum eftir þrjá mánuði. Ekki er vitað hvað olli því að hann missti meðvitund á vændishúsinu á þriðjudag. Hann hafði dvalið þar í þrjá daga og var því haldið fram að hann hefði neytt kókaíns og náttúrlegs stinningarlyfs til að halda sér gangandi. Eigandi vændishússins, Dennis Hof, segir Odom hafa eytt 75 þúsund dollurum, eða sem nemur 9,3 milljónum íslenskrar króna, þessa þrjá daga sem hann dvaldi þar.Lamar Odom ásamt eiginkonu sinni Khloe Kardashian. Þau gengu í hjónaband árið 2009 en hafa sótt um skilnað sem þó er ekki genginn í gegn. Khloe tekur því ákvarðanir fyrir Odom á meðan hann liggur meðvitundarlaus á sjúkrahúsi.Vísir/EPA„Þessi upphæð tryggði honum að tvær konur sinntu öllum hans þörfum“ er haft eftir Hof á vefsíðu bandarísku fréttastofunnar CNN. Odom á tvö börn með fyrrverandi kærustu sinni Liza Morales og hafa börnin heimsótt hann á sjúkrahúsið ásamt föður fyrrverandi NBA-leikmannsins. Kardashian-fjölskyldan hefur setið yfir honum og þá hefur fyrrverandi liðsfélagi hans Kobe Bryant einnig heimsótt hann. Odom gekk að eiga Khloe Kardashian árið 2009 eftir mánaðarlangt samband. Þar með var hann orðinn hluti af Kardashian-fjölskyldunni og reglulegur gestur í raunveruleikaþáttunum um hana, Keeping Up with the Kardashians. Odom og Khloe fengu síðan sinn eigin þátt árið 2011 sem entist í tvær seríur. Þau sóttu um skilnað fyrr í ár sem hefur þó ekki enn þá gengið í gegn að sögn CNN sem segist hafa heimildir fyrir því að að Khloe taki því ákvarðanir fyrir Odom á meðan hann liggur meðvitundarlaus á sjúkrahúsinu. CNN ræddi við 89 ára gamla ömmu hans, Florence Odom, sem sagðist eyðilögð yfir því að hafa ekki tök á að hitta hann á sjúkrahúsi vegna veikinda sinna. „Ég þekki Lamar og veit að hann gerði ekki það sem hann er sagður hafa gert. Hann er fallegur. Ef þú myndir hitta hann myndir þú segja það sama. Ég hlusta ekki á slúður,“ sagði Florence sem telur þó líklegt að stjörnulífið hafi tekið sinn toll á Odom.Uppfært klukkan 12:40:Því var ranglega haldið fram að Lamar Odom ætti tvö börn með Khloe Kardashian í fyrri útgáfu fréttarinnar. Hefur það nú verið leiðrétt og fréttin uppfærð í samræmi við það. Beðist er afsökunar á þessum leiðu mistökum. Mest lesið „Endurtek í sífellu: Ég vil ekki deyja, ég vil ekki deyja“ Áskorun Tíminn sem fór í að ræða perra inni í hreyfingunni með ólíkindum Lífið Átta ára með sinn eigin bíl á bílasýningu á Akureyri Lífið „Þetta lag minnir mig alltaf á að hafa tapað Idolinu“ Lífið „Gaman hvað verið er að tala fallega um samstarfsfólkið mitt“ Bíó og sjónvarp Inga Tinna og Logi greina frá kyni barnsins Lífið „Ég hef aldrei reynt að verða nokkur skapaður hlutur“ Tónlist „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið Tengdasonur Íslands trúðaði Simon Cowell upp úr skónum Bíó og sjónvarp Fleiri fréttir „Þetta lag minnir mig alltaf á að hafa tapað Idolinu“ Tíminn sem fór í að ræða perra inni í hreyfingunni með ólíkindum Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Sjá meira
Fyrrverandi NBA-leikmaðurinn Lamar Odom liggur enn þungt haldinn á sjúkrahúsi í Las Vegas eftir að hafa fundist meðvitundarlaus á vændishúsi í vikunni. Hann er sagður hafa tekið engum framförum síðastliðna daga og er talið nánast útilokað að hann muni nokkru sinni ná fullri heilsu.Lamar Odom átti sín bestu ár í NBA-deildinni með Los Angeles Lakers. Hér er hann ásamt góðvini sínum Kobe Bryant.Vísir/EPAOdom er 35 ára gamall og kom víða við á NBA ferli sínum. Hann var valinn fjórði í nýliðavalinu árið 1999 af Los Angeles Clippers þar sem hann dvaldi í fjögur ár. Þaðan lá leiðin til Miami Heat áður en hann gekk til liðs við Los Angeles Lakers. Hann átti sín bestu ár með því liði þar sem hann vann til tveggja NBA-titla og var valinn sjötti maður ársins árið 2011. En síðan fór að halla undan fæti og var honum skipt til Dallas Mavericks og spilaði sitt síðasta tímabil í NBA fyrir Clippers árið 2013 en hann gekk til liðs við spænska liðið Laboral Kutxa í fyrra. Hann gerði síðan samning við New York Knicks en kom þó aldrei við sögu í leikjum liðsins. Knicks riftu samningnum eftir þrjá mánuði. Ekki er vitað hvað olli því að hann missti meðvitund á vændishúsinu á þriðjudag. Hann hafði dvalið þar í þrjá daga og var því haldið fram að hann hefði neytt kókaíns og náttúrlegs stinningarlyfs til að halda sér gangandi. Eigandi vændishússins, Dennis Hof, segir Odom hafa eytt 75 þúsund dollurum, eða sem nemur 9,3 milljónum íslenskrar króna, þessa þrjá daga sem hann dvaldi þar.Lamar Odom ásamt eiginkonu sinni Khloe Kardashian. Þau gengu í hjónaband árið 2009 en hafa sótt um skilnað sem þó er ekki genginn í gegn. Khloe tekur því ákvarðanir fyrir Odom á meðan hann liggur meðvitundarlaus á sjúkrahúsi.Vísir/EPA„Þessi upphæð tryggði honum að tvær konur sinntu öllum hans þörfum“ er haft eftir Hof á vefsíðu bandarísku fréttastofunnar CNN. Odom á tvö börn með fyrrverandi kærustu sinni Liza Morales og hafa börnin heimsótt hann á sjúkrahúsið ásamt föður fyrrverandi NBA-leikmannsins. Kardashian-fjölskyldan hefur setið yfir honum og þá hefur fyrrverandi liðsfélagi hans Kobe Bryant einnig heimsótt hann. Odom gekk að eiga Khloe Kardashian árið 2009 eftir mánaðarlangt samband. Þar með var hann orðinn hluti af Kardashian-fjölskyldunni og reglulegur gestur í raunveruleikaþáttunum um hana, Keeping Up with the Kardashians. Odom og Khloe fengu síðan sinn eigin þátt árið 2011 sem entist í tvær seríur. Þau sóttu um skilnað fyrr í ár sem hefur þó ekki enn þá gengið í gegn að sögn CNN sem segist hafa heimildir fyrir því að að Khloe taki því ákvarðanir fyrir Odom á meðan hann liggur meðvitundarlaus á sjúkrahúsinu. CNN ræddi við 89 ára gamla ömmu hans, Florence Odom, sem sagðist eyðilögð yfir því að hafa ekki tök á að hitta hann á sjúkrahúsi vegna veikinda sinna. „Ég þekki Lamar og veit að hann gerði ekki það sem hann er sagður hafa gert. Hann er fallegur. Ef þú myndir hitta hann myndir þú segja það sama. Ég hlusta ekki á slúður,“ sagði Florence sem telur þó líklegt að stjörnulífið hafi tekið sinn toll á Odom.Uppfært klukkan 12:40:Því var ranglega haldið fram að Lamar Odom ætti tvö börn með Khloe Kardashian í fyrri útgáfu fréttarinnar. Hefur það nú verið leiðrétt og fréttin uppfærð í samræmi við það. Beðist er afsökunar á þessum leiðu mistökum.
Mest lesið „Endurtek í sífellu: Ég vil ekki deyja, ég vil ekki deyja“ Áskorun Tíminn sem fór í að ræða perra inni í hreyfingunni með ólíkindum Lífið Átta ára með sinn eigin bíl á bílasýningu á Akureyri Lífið „Þetta lag minnir mig alltaf á að hafa tapað Idolinu“ Lífið „Gaman hvað verið er að tala fallega um samstarfsfólkið mitt“ Bíó og sjónvarp Inga Tinna og Logi greina frá kyni barnsins Lífið „Ég hef aldrei reynt að verða nokkur skapaður hlutur“ Tónlist „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið Tengdasonur Íslands trúðaði Simon Cowell upp úr skónum Bíó og sjónvarp Fleiri fréttir „Þetta lag minnir mig alltaf á að hafa tapað Idolinu“ Tíminn sem fór í að ræða perra inni í hreyfingunni með ólíkindum Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Sjá meira