Sigrún Eva og kærastinn fyrir Steve Madden

Íslenska fyrirsætan Sigrún Eva er aðalstjarnan í nýrri auglýsingaherðferð Steve Madden ásamt kærastanum sínum Justin Stewart. Tískufyrirtækið birti eftirfarandi myndband á dögunum baksviðs frá tökunum á haustherferð merkisins. 

Sigrún Eva er búsett í New York en hún hefur verið að gera það gott sem fyrirsæta þar. Glamour fjallaði um í síðustu viku að hún er til að mynda andlit Rag and Bone.

Hún var meðal annars í auglýsingu fyrir snyrtivörurisann L'Oréal sem sýnd var á Snapchat aðgangi Emmyverðlaunanna, sem fjölmargir um allan heim fylgdust með.