Arnaldur græddi 120 milljónir

Hagnaður Gilhaga, einkahlutafélags Arnalds Indriðasonar rithöfundar, nam 120 milljónum króna eftir skatta í fyrra. Einungis tvisvar áður hefur félagið skilað meiri hagnaði, en árið 2012 og árið 2009 var hagnaðurinn 139 milljónir.

Eignir Gilhaga í lok ársins 2014 námu rúmum 629 milljónum en árið 2013 námu þær rúmum 507 milljónum króna. Þær hækka því um 22 milljónir á milli ára.

Tekjur Gilhaga eru einkum komnar vegna sölu bóka. Arnaldur Indriðason er þekktasti íslenski núlifandi rithöfundurinn og seljast bækur hans víða erlendis. Hann hefur verið í hópi söluhæstu rithöfunda á Íslandi um margra árabil. Hann fékk heiðursverðlaun á Útflutningsverðlaunum forseta Íslands árið 2015.