Þrír fluttir alvarlega slasaðir á slysadeild eftir umferðarslys

Þrír voru fluttir alvarlega slasaðir með þyrlu Landshelgisgæslunnar á Landspítalann í Fossvogi eftir bílveltu á Suðurlandsvegi um hádegisbil. Slysið varð skammt frá Hjörleifshöfða á Mýrdalssandi.

Þá þurfti að flytja tvo til viðbótar á slysadeild með sjúkrabíl.

Suðurlandsvegi var lokað vestan við Skálm á Mýrdalssandi um tíma í dag vegna slyssins en opnað hefur verið fyrir umferð að nýju.

Tildrög slyssins eru óljós en lögreglan vinnur enn að rannsókn á vettvangi og eru vegfarendur beðnir að sýna biðlund og tillitsemi gagnvart viðbragðsaðilum á vettvangi.

Vegna Umferðarslyss austan Hjörleifshöfða.Fimm aðilar hlutu meiðsl er bifreið valt út af Suðurlandsvegi austan Hjö...

Posted by Lögreglan á Suðurlandi on Tuesday, September 15, 2015