Tístlendingar hlusta á umræðurnar: „Lokum augunum og ímyndum okkur Samfylkinguna með meira en 10% fylgi"

Svo oft sem áður láta Íslendingar á Twitter ekki sitt eftir liggja þegar kemur að því að grínast með málefni líðandi stundar.

Umræður um stefnuræðu forsætisráðherra sem fram fara í kvöld á Alþingi eru þar engin undantekning en netverjar tísta nú af miklum móð undir merkingunni #stefnuræða.

Þar kennir ýmissa grasa en þó er Vatnajökulsferðin sem formaður Samfylkingarinnar bauð þingheimi og þjóðinni í með sér fyrirferðamest sem stendur. 

„Lokum augunum og ímyndum okkur Samfylkinguna með meira en 10% fylgi," segir einn gamansamur Tístlendingur meðan annar bendir á hinar augljósu hættur sem kunna að fylgja því að ferðast um Vatnajökul með lokuð augun - enda  „sprungur út um allt.“

Hér að neðan má sjá nokkur velvalin tíst sem og flæðilista þar sem fylgjast má með öllu

#stefnuræða Tweets

Hvað ætli IceHot1 sé að hugsa núna? #stefnuræða

— Rósanna Andrésdóttir (@rosannaand) September 8, 2015

"Lokum augunum og ímyndum okkur Samfylkinguna með meira en 10% fylgi." #stefnuræða

— Sigurgeir Ingi (@SigurgeirIngi) September 8, 2015

<

Ef ég ætti krónu fyrir hvert skipti sem BB segir traust #icehot1 #stefnuræða

— Iðunn Bergþórudóttir (@Idunn_G) September 8, 2015

Er þetta gamla @islandsbanki lógóið eða @KermitTheFrog í fýlu? #stefnuræða pic.twitter.com/FyshCnehuK

— Hörður Ágústsson (@horduragustsson) September 8, 2015

Það er beinlínis hættulegt að vera með lokuð augun upp á Vatnajökli. Sprungur út um allt. #Stefnuræða

— Trausti Sigurður (@Traustisig) September 8, 2015