Starfsmenn Íslandsbanka kynnast í gegnum QuizUp Nanna Elísa Jakobsdóttir skrifar 27. ágúst 2015 12:44 Þorsteinn B. Friðriksson frá QuizUp og Elísabet Helgadóttir og Hafsteinn Bragason frá Íslandsbanka Starfsfólk Íslandsbanka mun á næstunni fá tækifæri til að sameina fræðslu og leik á vinnutíma. Íslandsbanki hefur gert samning við íslenska hugbúnaðarfyrirtækið QuizUp um kaup á nýjustu vöru fyrirtækisins, appi sem nefnist „QuizUp at Work”. Nýja appinu er ætlað að vera tól til að fræða, þjálfa og skapa góðan starfsanda. Þetta kemur fram í fréttatilkynningu. Íslandsbanki verður fyrstur til að prófa appið hér á landi og hefur verið skrifað undir samkomulag vegna þessa við QuizUp. Í tilkynningunni er leikurinn útskýrður vel: „QuizUp at Work verður algerlega til hliðar við QuizUp samfélagið sjálft og munu starfsmenn viðkomandi fyrirtækja fá aðgang að lokuðu samfélagi þar sem þeir geta kynnst hver öðrum, spreytt sig á sérsniðnum spurningum er varða starf sitt eða vinnustaðinn og komið ábendingum á framfæri. Samfélagshluti býður upp á margar leiðir til að efla menningu og starfsanda fyrirtækja. Þar er hægt að setja í gang litla leiki í kringum viðburði innan fyrirtækjanna og byggja upp stemmningu hjá starfsfólki fyrir þeim. Þá er hægt að nota appið til að kynna og upplýsa starfsmenn um markaðsherferðir sem eru að fara í gang eða kynna þeim nýjar vörur og þjónustu fyrirtækjanna. Einnig getur þetta verið góð leið til að kynna nýja starfsmenn, þjálfa þá og hjálpa þeim að kynnast vinnufélögum sínum.“Sjá einnig: QuizUp sagður vera hinn nýji Tinder Quizup hefur þróast út í að verða samfélagsmiðill og eru meira að segja dæmi um að fólk hafi orðið ástfangið í gegnum miðilinn. Erin Tarnoff og Nick Fielsend eru fallegt dæmi um það.Varan var kynnt í Bandaríkjunum fyrir nokkrum dögum. Í tilkynningunni kemur fram að hundruð fyrirtækja hafi beðið um að fá kynningu á nýjustu viðbótinni hjá Plain Vanilla. „Quizup er nú þegar vinsælasta spurningaapp heims, með yfir 70 milljón notendur. Leikurinn hefur verið að þróast í þá átt að verða samfélagsmiðill, þar sem notendur eru tengdir saman eftir sameiginlegum áhugamálum. Árangurinn hefur ekki leynt sér en frá því ný uppfærsla leiksins var kynnt í vor hafa virkir notendur sem skrá sig daglega til leiks ríflega tvöfaldast. „Við leggjum mikla áherslu á að vera stöðugt að efla starfsfólk Íslandsbanka með því að bjóða upp á ýmis konar fræðslu og þjálfun. Tækninni fleygir fram og í nútímaumhverfi þarf fólk einfaldlega sífellt að vera að mennta sig. Við sjáum hins vegar á rannsóknum að mikilvægt er að nýta fjölbreyttari kennsluaðferðir nú en áður og við teljum QuizUp at Work henta vel í okkar fræðslustarf. Alls konar hagræði fylgir QuizUp at work. Það þarf t.d. engin námskeiðsgögn og fólk spilar QuizUp á sínum síma, í sínu umhverfi og á þeim tíma sem hentar. Þar fyrir utan er þetta mjög fersk nálgun í fræðslu með mikið skemmtanagildi. Starfsfólk bankans mun án efa taka þessari nýjung fagnandi sem mun nýtast okkur vel,“ segir Hafsteinn Bragason, mannauðsstjóri Íslandsbanka. „Við sáum ekki beint fyrir að við ættum eftir að þróa QuizUp í þessa átt þegar við stofnuðum fyrirtækið. Það er samt stundum þannig að óvæntir markaðir opnast þar sem að eiginleikar nýrrar tækni nýtast mjög vel. Símenntun og þjálfun er orðinn mjög stór þáttur í starfsemi fyrirtækja, en um leið þá eru aðferðirnar sem er beitt frekar gamaldags. Þess er krafist að fólk sitji og hlusti á fyrirlestra heilu og hálfu dagana eða setjist niður og lesi langar handbækur. Fólk hefur minni þolinmæði gagnvart slíku í dag og þarna eru kostir QuizUp at Work augljósir. Í raun gætum við þróað QuizUp í fleiri slíkar áttir til dæmis sem kennslustól fyrir skóla en við ætlum samt að byrja á stórum fyrirtækjum. Við sjáum að þörfin er mjög mikil fyrir tól sem hjálpa til við þjálfun starfsfólks,“ segir Þorsteinn B. Friðriksson, framkvæmdastjóri QuizUp í tilkynningu. Leikjavísir Mest lesið Netflix, Stöð2+, Prime og Disney greiði til menningar Viðskipti innlent Eignast Securitas að fullu Viðskipti innlent Segja markaðstorg blóðmjólka fyrirtæki Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Há laun og dýr bjór séu vandamál ÁTVR Viðskipti innlent Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Starfsfólk fær 150 milljónir í hlutabréfum Viðskipti innlent Base parking gjaldþrota Viðskipti innlent Fleiri fréttir Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Sjá meira
Starfsfólk Íslandsbanka mun á næstunni fá tækifæri til að sameina fræðslu og leik á vinnutíma. Íslandsbanki hefur gert samning við íslenska hugbúnaðarfyrirtækið QuizUp um kaup á nýjustu vöru fyrirtækisins, appi sem nefnist „QuizUp at Work”. Nýja appinu er ætlað að vera tól til að fræða, þjálfa og skapa góðan starfsanda. Þetta kemur fram í fréttatilkynningu. Íslandsbanki verður fyrstur til að prófa appið hér á landi og hefur verið skrifað undir samkomulag vegna þessa við QuizUp. Í tilkynningunni er leikurinn útskýrður vel: „QuizUp at Work verður algerlega til hliðar við QuizUp samfélagið sjálft og munu starfsmenn viðkomandi fyrirtækja fá aðgang að lokuðu samfélagi þar sem þeir geta kynnst hver öðrum, spreytt sig á sérsniðnum spurningum er varða starf sitt eða vinnustaðinn og komið ábendingum á framfæri. Samfélagshluti býður upp á margar leiðir til að efla menningu og starfsanda fyrirtækja. Þar er hægt að setja í gang litla leiki í kringum viðburði innan fyrirtækjanna og byggja upp stemmningu hjá starfsfólki fyrir þeim. Þá er hægt að nota appið til að kynna og upplýsa starfsmenn um markaðsherferðir sem eru að fara í gang eða kynna þeim nýjar vörur og þjónustu fyrirtækjanna. Einnig getur þetta verið góð leið til að kynna nýja starfsmenn, þjálfa þá og hjálpa þeim að kynnast vinnufélögum sínum.“Sjá einnig: QuizUp sagður vera hinn nýji Tinder Quizup hefur þróast út í að verða samfélagsmiðill og eru meira að segja dæmi um að fólk hafi orðið ástfangið í gegnum miðilinn. Erin Tarnoff og Nick Fielsend eru fallegt dæmi um það.Varan var kynnt í Bandaríkjunum fyrir nokkrum dögum. Í tilkynningunni kemur fram að hundruð fyrirtækja hafi beðið um að fá kynningu á nýjustu viðbótinni hjá Plain Vanilla. „Quizup er nú þegar vinsælasta spurningaapp heims, með yfir 70 milljón notendur. Leikurinn hefur verið að þróast í þá átt að verða samfélagsmiðill, þar sem notendur eru tengdir saman eftir sameiginlegum áhugamálum. Árangurinn hefur ekki leynt sér en frá því ný uppfærsla leiksins var kynnt í vor hafa virkir notendur sem skrá sig daglega til leiks ríflega tvöfaldast. „Við leggjum mikla áherslu á að vera stöðugt að efla starfsfólk Íslandsbanka með því að bjóða upp á ýmis konar fræðslu og þjálfun. Tækninni fleygir fram og í nútímaumhverfi þarf fólk einfaldlega sífellt að vera að mennta sig. Við sjáum hins vegar á rannsóknum að mikilvægt er að nýta fjölbreyttari kennsluaðferðir nú en áður og við teljum QuizUp at Work henta vel í okkar fræðslustarf. Alls konar hagræði fylgir QuizUp at work. Það þarf t.d. engin námskeiðsgögn og fólk spilar QuizUp á sínum síma, í sínu umhverfi og á þeim tíma sem hentar. Þar fyrir utan er þetta mjög fersk nálgun í fræðslu með mikið skemmtanagildi. Starfsfólk bankans mun án efa taka þessari nýjung fagnandi sem mun nýtast okkur vel,“ segir Hafsteinn Bragason, mannauðsstjóri Íslandsbanka. „Við sáum ekki beint fyrir að við ættum eftir að þróa QuizUp í þessa átt þegar við stofnuðum fyrirtækið. Það er samt stundum þannig að óvæntir markaðir opnast þar sem að eiginleikar nýrrar tækni nýtast mjög vel. Símenntun og þjálfun er orðinn mjög stór þáttur í starfsemi fyrirtækja, en um leið þá eru aðferðirnar sem er beitt frekar gamaldags. Þess er krafist að fólk sitji og hlusti á fyrirlestra heilu og hálfu dagana eða setjist niður og lesi langar handbækur. Fólk hefur minni þolinmæði gagnvart slíku í dag og þarna eru kostir QuizUp at Work augljósir. Í raun gætum við þróað QuizUp í fleiri slíkar áttir til dæmis sem kennslustól fyrir skóla en við ætlum samt að byrja á stórum fyrirtækjum. Við sjáum að þörfin er mjög mikil fyrir tól sem hjálpa til við þjálfun starfsfólks,“ segir Þorsteinn B. Friðriksson, framkvæmdastjóri QuizUp í tilkynningu.
Leikjavísir Mest lesið Netflix, Stöð2+, Prime og Disney greiði til menningar Viðskipti innlent Eignast Securitas að fullu Viðskipti innlent Segja markaðstorg blóðmjólka fyrirtæki Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Há laun og dýr bjór séu vandamál ÁTVR Viðskipti innlent Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Starfsfólk fær 150 milljónir í hlutabréfum Viðskipti innlent Base parking gjaldþrota Viðskipti innlent Fleiri fréttir Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Sjá meira