Konan sem giftist Eiffel turninum

Ástarsambönd geta verið allskonar og sum sjaldgæfari en önnur.

Í þessari heimildarmynd eru tekin fyrir ástarsambönd sem ögra normi samfélagsins.

Eitt slíkt er hlutkynhneigð; þegar fólk laðast kynferðislega (ekki alltaf þó), tilfinningalega og rómantískt að veraldlegum hlut og getur oft á tíðum átt í sambandi við hlutinn.

Á ensku kallast þetta objectum sexuality og eru til sér samtök fólks sem upplifir sig með hlutakynhneigð og auðvitað fésbókarsíða.

Það skiptir ekki máli hvort hluturinn sé stór eða smár, rafknúinn eða úr tré, rétt eins og með annað fólk laðast þessir einstaklingar að allskonar hlutum.

Heimildarmyndin segir í raun allt sem segja þarf.