Formaður ASÍ-UNG segir af sér formennsku

Guðni Gunnarsson, formaður ASÍ-UNG, hefur sagt af sér sem formaður stjórnar félagsins.

„Ég var ósáttur með hluta nýju kjarasamninganna en það er ekkert ósætti milli mín og hreyfingarinnar,“ segir Guðni í samtali við Vísi. Í nýundirrituðum kjarasamningi SA við Flóabandalagið, Starfsgreinasambandið, VR og Landssamband íslenskra verslunarmanna sé gengið á rétt ungs fólks undir tvítugu.

„Fólk í kringum mig hefur stutt mig í þessu og eru ósáttir með þetta ákvæði því þarna er verið að brjóta á ungu fólki,“ segir Guðni sem er þó ekki hættur að starfa innan hreyfingarinnar eða ungliðahreyfingarinnar.

„Nei, nei. Ég er ekki hættur. Ég mun bara ekki gegna formennsku áfram.“