Sigurjón þarf að endurgreiða 35 milljóna lífeyri

Sigurjón Árnason, fyrrverandi bankastjóri Landsbankans þarf að greiða slitabúi Landsbanks 35 milljónir króna samkvæmt dómi Héraðsdóms í dag. RÚV greindir frá þessu.

Slitabúið höfðaði dómsmálið vegna greiðslu Landsbankans á séreignarlífeyrissparnaði sem lagður var inn á reikning Sigurjóns, 2. október 2008, fimm dögum áður en bankinn féll.

Samkvæmt dómi Hérðasdóms þarf Sigurjón að endurgreiða 35.145.000 króna auk dráttarvaxta frá 30. september 2011. Þar að auki þarf Sigurjón að greiða Landsbankanum 980 þúsund krónur í málskostnað.

Sigurður G. Guðjónsson, verjandi Sigurjóns, segir að hann þurfi að skoða dóminn áður en ákvörðun verður tekin um hvort málinu verði áfrýjað.

Uppfært 11. júní klukkan 16:00

Dómurinn í málinu er kominn inn á vefsíðu Héraðsdóms Reykjavíkur og má nálgast hér.