Svona breytast ráðstöfunartekjur þínar við skattkerfisbreytingarnar

Þeir sem eru með 730 þúsund krónur í tekjur á mánuði munu hagnast mest á boðuðum skattkerfisbreytingum ríkisstjórnarinnar sé horft á krónutöluhækkun samkvæmt útreikningum ASÍ eða um 144 þúsund krónur á ári. Minnst fá þeir sem eru á lægstu laununum en ráðstöfunartekjurnar munu aukast eftir því sem ofar dregur upp að 730 þúsund krónum en í fara lækkandi af hærri launum en það líkt og sjá má í töflunni hér að ofan.

Ráðstöfunartekjur aukast með auknum tekjum

Þannig munu ráðstöfunartekjur þeirra sem fá greitt 300 þúsund krónur á mánuði aukast um 12 þúsund krónur á ári frá ársbyrjun 2017. Ráðstöfunartekjur launamanna með 400 þúsund krónur munu aukast um 38 þúsund krónur á á ári og þeirra með 500 þúsund krónur í mánaðarlaun um 70 þúsund krónur á ári.

Ráðstöfunartekjur fólks með milli 595 og 785 þúsund krónur munu aukast yfir 100 þúsund krónur á ári. Þá munu ráðstöfunartekjur þeirra sem fá greitt yfir 830 þúsund krónur á mánuði aukast jafn mikið eða um 38 þúsund krónur á ári þegar breytingarnar verða komnar að fullu til framkvæmda árið 2017.



Ríkissjóður verður af 16 milljörðumá kjörtímabilinu

Ríkisstjórnin tilkynnti fyrir helgi að hún hygðist lækka skattprósentu í lægra skattþrepi úr 22,86% í 22,68% frá ársbyrjun 2016 og í 22,50% frá ársbyrjun 2017. Þá hyggst hún lækka álag á milliskattþrep um helming frá ársbyrjun 2016 í 1,22% en að fullu afnumið frá árslokum þess árs. Því verði tekjuskattþrepin tvö frá ársbyrjun 2017.

Fjárhæðarmörk við efsta þrep verður lækkað í 770 þúsund krónur á mánuði við árslok 2015 og skil milli þrepanna tveggja verður þá við 700 þúsund krónur þegar breytingarnar eru að fullu komnar fram. Álag á efra prósentið verður þá 9,3 prósent.

Ríkisstjórnin áætlar að breytingarnar á tekjuskattskerfinu valdi ríkissjóði um 16 milljarða króna tekjumissi á kjörtímabilinu eða sem nemur 13 prósent af tekjum ríkisins af tekjuskattskerfinu.