Tekjudreifing jafnari en áður

Tekjur á Íslandi dreifðust jafnar mili fólks í fyrra, en áður hefur sést í lífskjararannsókn Hagstofunnar. Rannsóknin var fyrst framkvæmd árið 2004. Samkvæmt Hagstofunni var tekjuhæsti fimmtungurinn með 3,1 sinnum hærri tekjur en sá tekjulægsti. Hæstur var fimmtungastuðullinn 4,2 árið 2009.

Gini-stuðullinn mældist 22,7 og var hann einnnig hæstur árið 2009, eða 29,6. Hann væri 100 ef einn einstaklingur hefði allar tekjur samfélagsing og núll ef allir hefðu jafnar tekjur.

Á vef Hagstofu Íslands kemur fram að árið 2013 hafi Ísland verioð með næst lægsta Gini- og fimmtungastuðulinn í Evrópu á eftir Noregi.

Aldrei færri undir lágtekjumörkum

„Árið 2014 voru 11,1 prósent á Íslandi undir lágtekjumörkum eða í hættu á félagslegri einangrun en það er lægsta hlutfall sem mælst hefur í lífskjararannsókninni. Eitt af fimm lykilmarkmiðum 2020 áætlunar ESB er að fækka þeim sem sem falla í þennan hóp en það eru einstaklingar sem eru undir lágtekjumörkum, búa við verulegan skort á efnis¬legum gæðum eða búa á heimilum þar sem vinnuþátttaka er mjög lítil. Árið 2013 var þetta hlutfall lægst á Íslandi en næst komu Noregur, Tékkland og Holland.“

Þá kemur fram í rannsókninn að hlutfall þeirra sem voru undir lágtekjumörkum á Íslandi hafi ekki verið lægra. Það er nú 7,9 prósent og er sama hlutfall og árið 2012.

Háskólamenntaðir voru ólíklegri til að vera fyrir neðan lágtekjumörkin en þeir sama hafa enga mentun. Þó var minni munur á þeim sem voru með grunnmentun og þeim með framhalds- og starfsmenntun. Þar að auki voru leigjendur mun líklegri til að vera fyrir neðan lágtekjumörk en húseigendur. 15,9 prósent samanborið vioð 5,8 prósent.