CCP tapaði níu milljörðum á síðasta ári

Íslenski tölvuleikjaframleiðandinn CCP tapaði jafnvirði 8,7 milljarða króna á síðasta ári. Skuldir félagsins námu á síðasta ári 6,5 milljörðum króna en eigirnar 4,4 milljörðum, samanborið við tæplega 14 milljarða árið á undan. Eigið fé CCP er því neikvætt um tvo milljarða íslenskra króna í árslok.

DV greinir frá þessu og vísar í ársreikning félagsins sem skilað var til Ríkisskattstjóra síðastliðinn þriðjudag. Tekjur félagsins lækkuðu samkvæmt ársreikningnum um rúman milljarð króna á milli ára en gjaldfærður rannsóknar- og þróunarkostnaður jókst um jafnvirði fjögurra milljarða króna.