Bein útsending: Aðalfundur og ráðstefna SFS

Samtök fyrirtækja í sjávarútvegi halda fyrsta aðalfund sinn og ráðstefnu á Hótel Hilton í dag.

Fundurinn hefst klukkan 13 og stendur til klukkan 15 og er hægt að fylgjast með honum í beinni útsendingu hér á Vísi.

Yfirskrift fundarins er „Sameiginleg markaðssetning og aukin verðmæti“ en á honum verður fjallað um stöðu sjávarútvegsins í dag, starfsemi samtakanna frá stofnun þeirra á síðasta ári og tækifærin sem felast í sameiginlegri markaðssetningu sjávarútvegsins á Íslandi.

Fundarstjóri er Karen Kjartansdóttir, kynningarfulltrúi SFS. Sigurður Ingi Jóhannsson, sjávarútvegs- og landbúnaðarráðherra, setur ráðstefnuna en sérstakur gestur er Jonathan Banks, sérfræðingur og fyrirlesari um markaðssetningu og kauphegðun í matvælaiðnaði.

Dagskráin er eftirfarandi:

Setning fundar

Ávarp ráðherra – Sigurður Ingi Jóhannsson, sjávarútvegs- og landbúnaðarráðherra.

Við erum rétt að byrja – Kolbeinn Árnason, framkvæmdastjóri SFS.

Hvatningarverðlaun sjávarútvegsins afhent - Jens Garðar Helgason, formaður SFS.

Tækifæri og nýsköpun

Disrupting the world in your favour: Food for thought - Peter Souter, stjórnarformaður og sköpunarstjóri TBWA\London.

Hlutverk vísinda og nýsköpunar í sjávarútvegi – Sveinn Margeirsson, forstjóri Matís.

Styrkveitingar úr Rannsóknarsjóði síldarútvegsins

Fjárfest í útliti

Fjárfest í hönnun – Halla Helgadóttir, framkvæmdastjóri Hönnunarmiðstöðvar Íslands.

Hvert er verkefnið? – Viggó Jónsson, framkvæmdastjóri Jónsson & Le‘macks og í viðskiptaþróun QuizUp.

Orðspor íslenskra sjávarafurða

Stefnumótun kynnt: Íslenskur fiskur á erlendum mörkuðum – Helga Thors, markaðstjóri SFS.

The shopper: our route to the consumer – Jonathan Banks, sérfræðingur í markaðssetningu og kauphegðun í matvælaiðnaði.

Fundarlok

Hægt er að fylgjast með beinni útsendingu af fundinum í spilaranum hér fyrir neðan.