Heilsuvísir

Fyrsta þríþraut sumarsins fór af stað í snjókomu

Elísabet Margeirsdóttir skrifar
Úr Kópavogsþríþrautinni.
Úr Kópavogsþríþrautinni. Vísir/Elísabet M

Fyrsta þríþrautarkeppni sumarsins, Kópavogsþríþrautin var haldin í dag í skrautlegu veðri til að byrja með. Synt var í útilauginni í Sundlaug Kópavogs og því næst hjólað og hlaupið um vesturhluta bæjarins. Keppnin var sprettþraut og eru vegalengdirnar eftirfarandi: 400 m sund, 10.3 km hjól og 3.5 km hlaup. Mótið var einnig hluti af stigakeppni í Íslandsmótinu í þríþraut.

Þrátt fyrir snjókomu og mikinn kulda í morgunsárið var keppnin keyrð af stað á réttum tíma og Ármann kr. Ólafsson bæjarstjóri ræsti fyrsta hóp kl. 9:15. Keppni gekk almennt vel þó aðstæður hafi reynst sumum erfiðar einkum á hjólakaflanum.

Tæplega 100 þátttakendur voru skráðir til leiks í einstaklingsþrautina í bæði opnum flokki (A) og flokki byrjenda (B).  Einnig tóku um 100 manns þátt í fjölskylduþraut og nokkur lið samanstóðu af þremur kynslóðum. Ungir og upprennandi þríþrautarkappar á aldrinu 6-11 ára fengu loks að spreyta sig á tvíþraut á svæðinu. 

Helstu úrslit:

A flokkur
Konur
1. sæti: Sarah Cushing 45:03
2. sæti: Gígja Hrönn Árnadóttir 49:28
3. Þórunn Margrét Gunnarsdóttir 49:31

Karlar
1. sæti: Hákon Hrafn Sigurðsson 37:08
2. sæti: Sigurður Örn Ragnarsson 37:44
3. sæti: Rúnar Örn Ágústsson 38:03

Öll úrslit má finna á heimasíðu Þríkó


Tengdar fréttir

Stefna á 85 kílómetra hlaup

Elísabet Margeirsdóttir er með frábær innslög í Íslandi í dag þar sem fjallað er um hinar ýmsu útivistaríþróttir. Áhorfendur fá að kynnast fólki sem stundar þær af einskærri ástríðu en einnig þeim sem eru að stíga fyrstu skrefin.

Struku frá Alcatraz-eyjunni

Átta Íslendingar tóku þátt í þríþrautarkeppni sem kallast Flóttinn frá Alcatraz í San Francisco í sumar. Um tvö þúsund manns taka þátt í keppninni árlega.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.